خويه في بيتي

ايه هو توقع اني افرش للرجال بقسم الضيوف وادخلها عندي لكن ظروفي داخل البيت مهي بزينه واي ضيف يجيني مايتعدى المجلس والمقلط وهم مب عرسان بس باقي ربي مارزقهم بالعيال وسويت لهم قهوه وشاهي وتغدينا سوا وتقهوينا سوا مع زوجته ماتركتها وبعد العصر يدخل خوي للصاله يجلس مع زوجي وانا عند زوجته شويه ويخرجون ومايرجعون الا الليل افتحلهم واروح ارقد قايمه من الصباح واللي تقول ليش تمشينهم على نظامك طيب شلون تبغينا مانفطر نستناهم الين الظهر هذا اللي مزعله يعني فقط الفطور اللي بغيتهم لوحدهم ولا الغدا سوا وكان وقت منصه مهب اختبارات هذي السالفه لها فتره وهو ماقالي انه جاي عشان اجهز لهم ولو غلطت ودي انه كلمني ورجاءا رجاءا بدون سب لهلي ارسلت الرابط للقروب يشوفونه

الجود من الموجود

بأختصار اخوك مايستحي اصلا ماتوا اللي يقعدون عند الناس

صاحبة الموضوع كفيتي ووفيتي الجود من الموجود
وبعدين اخوك سلامااات إذا مو عاجبه الوضع كان راح يستاجر شقه
ماله حق يتشرط وهو في بيت الرجال عيب والله
وأنا اشوف إنك ماقصرت معهم ابد بالعكس اكرمتيهم وضيفتيهم عداك العيب ..
واللي ينتقدونك مدري ايش َوضعهم!!

اصلا وش مقعده عندك معليش قدر يجيب فلوس تمشيه وماقدر يستاجر لهم سكن
مفروض اصلا حتى يحلفون عليكم ماتسوون غدا ويخففون عليكم
وحتى لو في قصور بنظرهم كان استروا عليك وطلعوا بصمت وابيخ حركة يوم يدق على زوجك