مساء الخير اخباركم
اذا وحده من زوجات اخوانك صارلها يمكن ١٢ سنه متزوجين يعني عشره مع بعض وانتي محترمه جدا معاهم وماتدخلين فيهم وتروحين بيتهم ضيفه كلهم مع انها عمارة ابوك بس خلاص بيوتهم ومالك حق تدخلين فيهم
وعرفتي انها تكلمت عليك وارسلت لامك رساله تشتكي منك واتهمتك بشي مو سهل وماواجهتك ولاكلمتك وهذي عادتها دائما ماتواجه تخاف وخاصه انه ماصار منك هالشي وبعدين عرفت انها غلطانه ولا اعتذرت ولا شي بس امك ماقصرت فيها
وطلبتك امك انه خلاص لا تكلمين اخوك لانه بيسوي مشكله كبيره ويمكن تروح عند اهلها بعد هالموضوع ويمكن ماعاد ترجع لانه سبق وهددها انه اهلي خط احمر وخاصه انه هي اللي تغلط وتسمع كلام خواتها واخوي شاف محادثتها واتس معاهم
طبعا هالموضوع صار لي من كم يوم ومحتاره اكلم اخوي ولا لا ؟؟ خاصه انه سبق صار موضوع كذا من كم سنه واجبرها تجي تعتذر مني الباقين يشهدون اننا مافيه مثلنا وانه ماقد شافوا منا شي وبالعكس نوقف معاهم ضد اخواني واذا زعلوا منهم يجون عندنا الا ذي تحب المشاكل وشبه مقاطعتنا
ملاحظه : اني عادي ماني زعلانه ولا متاثره و الكل عرف الموضوع و وقفوا معاي وابوي زعل وحالف انه ياخذ منها موقف ويتغير معاها خاصه انه من البدايه هي الشاذه بينهم الباقين عكسها تماما وماخذين علينا مره لدرجه انهم يجونا فجاءة احيانا كاننا اهلهم
شاركي في النقاش
سجلي الدخول لإضافة تعليق.
التعليقات
125- في حالتك انتي و كما ذكرتي
لا ما خبره
الله يوفقك ويصلح حالكم - دام زي ماتقولين تحب المشاكل وشاذه من بين حريم اخوانك... خلاص لاتروحون لها وقاطعوها خلوها تحس على دمها شوي انها غلطانة...حتى بعزايمكم وجمعاتكم لاتنادونها.. وإذا على المشكلة سوى زي ماطلبت امك لاتعلمين اخوك .. خاصة لو عندهم أطفال بيتشتتوا بعدين.. يكفي أن الكل مصدقك وأولهم امك وابوك وهذا يكفي...
- دام أمك ماقصرت فيها أشوف ماله داعي اخوك يدري
ولو تاخذوا موقف انتِ واهلك منها هذا لحاله يكفي - الرجال مالهم دخل بهروج الحريم.
انت خذي حقك بيدك وخلاص.
لكن تدخلين اخوك و تخربين بيوت بس عشان مناقر ماينفع. - مدام أهلك أخذوا حقك ودافعوا عنك خلاص لاتخبرين أخوك ولاشي لاتقاطعونها طبعاًعشان أخوك وعياله مالهم ذنب لكن خليك معاها رسميه جداً وتجنبوها قدر المستطاع درءاً للمفاسد
مواضيع مشابهة
تابعي تجارب أخرى من هذا القسم.