طبينتي اتصلت علي

ماشاء الله على الثقه اللي عندك اتجاه الرجال
للحظات حسيت انك عايشه في كوكب ثاني غير الارض وحياتكم غير الحياة اللي نشوفها
تقولين الرجال يتزوج على زوجته لانها مقصره وفاقد شي و .. و ... الخ من المبررات
وفعلاً صدقتي الرجال يتزوج وعنده سبب مثلاً انه ناقص عقل ويبي يأدب الاولى وينتقم منها بالثانيه
او مثلاً فلوسه زايده ويحب يمتع نفسه بهذي الطريقه
او مثلاً يحس بالنقص والضعف ويحاول يسوي نفسه قوي البطل المغوار امام الناس بإنه يتزوج ثانيه وثالثه
والاسباب كثير لو نجلس نعددها لكن بالنهايه هل هي اسباب تستحق انه يهدم بيته ويشتت عياله ويجيب ضحايا اخرين بزواجاته المتكرره !
واساساً هل هو زوج كامل خالي من العيوب عشان يتوقع ان اللي بيتزوجها تكون كامله خاليه من العيوب ؟
الحكايه كلها ان بعض الرجال فيهم انانيه سلبيه وفيهم عمى بصيره وقلوبهم ميته
وبس احب اقول الله يكفينا شر الجوع والعطش اللي ممكن يخلينا في يوم من الايام ندعس على غيرنا ونذبحهم من الوريد للوريد عشان ناخذ حاجتنا

ختاماً تقدرين تطبلين للمعددين والزوجات الثانيات والثالثات و ... و الخ
لكن لا تجلدين ذاتك وتجلدين بنات جنسـك وتحملينهم المسؤليه واللوم لما الزوج يقرر يستخدم الحق المتاح له بالتعدد
لان كلامك لا يتطابق مع معطيات الواقع اللي نشوفه وفيه ظلم كبير جداً للنساء

وبما انك من كوكب ثاني غير كوكبنا دليني على مكانك لاني قررت اتزوج رجالين او اربعه بنفس الوقت يازين التعدد اللي كذا اطفش من ذا اروح لذاك اوسع صدري عاد اذا غارو يتصبرون يزعلون شوي ثم بيرضون بالواقع !

ما خلا شوكتهم تقوى الا هذا الشي اللي يشوفونه بالواقع لدرجة انهم يحسون انفسهم اخر حبه بالعالم اللي مافي منهم
الحرمه تاخذه اجلح املح كأنه طير مغطسينه بمويه ثم زوجته تعزه وترزه وتعزز له وترفع به للسماء الى ان يصدق نفسه انه الرجال الواووو

يعني فوق ان زوجها متزوج عليها بتحطون البلا براسها ؟
لا يا ماما اللي رجال بيصبر على حرمته زي ما تصبر عليه
ياما في رجال صبرو على الخلفه سنين ولا تزوجو
وصبر على زوجه ما تعرف تدبر البيت الين ما اتعلمت
وصبر على موظفه دومها طويل وعاونها
وصبر على وحده فيها عيوب او مرض او اي شيء حتى اتجاوزته
اما اللي يبيع بدقيقتين سواء رجال او حرمه
فمعروف الخلل من فين

وليش ننظر انه اهو المسكين اللي مقصره زوجته بحقه ليش ما تقولي غاااث زوجته وفاقع مرارتها لحد ما اهملته وكرهته تدري اذا اللي يعدد من ذي النوعيه ماعليه حسوفه يمكن هم ونزاح عن الزوجه الاولى

🤣