ملكت وعرفت عنه اشياء خلتني اندم

من رده الأخير "وش الاستراحة اللي تبينها" واضح انك وصلتي له فكرة انك ماتبغين تكملين معاه عشان مابيسوي لك عرس، فشاف اصرارك وعرف ان هذا الشي بيرضيك ويسكتك وبكذا ضمنك


ياحبيبتي والله العظيم مايصلح لك من كل النواحي مو بس من ناحية العرس
قولي له أنا ماأبغاك وياليت تقطعين تواصلك فيه وتخلين أبوك هو اللي يبلغه برغبتك في الانفصال
بس ضروري قبلها تجلسين مع أبوك وتفهمينه ان هالرجال مايناسبك واشرحي له كل شي أسلوبه حركاته اهماله ردوده عصبيته كل كل شي واقنعيه واعطيه خبر انه لا يرجع يحاول فيك تكملين معاه
والله يعوضك بكل خير وسعادة

٦٠رد الكل اجمع انه زواج فاشل
وعقلك براسك تعرفي خلاصك

عمرك ٣٠ تزوجي جيبليك ولد ولابنيه تساندك في الحياه عالاقل ويكونون اجمل شي طلعتي فيه من هالزواج ولاتخافين من الطلاق بعد الزواج خصوصا لو جبتيليك عيال اهلك فيه الحمدلله والحكومه ماتقصر مع المطلقات صحيح انتي صغيره في عز شبابك بس برضو عمر ٣٠ سنه لازم الان تتزوجين وتجيبين لك طفل يملا عليك الدنيا وتربينه وانتي في عز شبابك وان تطلقتي بعدين خليه قلعته منتي ضايعه ان شاءالله وعيالك معك
مدري احسه طيب وحنون خصوصا انه لان يوم بكيتي وفي نفس الوقت شخصيه وثقيل ويشوف كل شي تافه
وترى يوم قال مسن يرجعلي المهر؟؟ ترى المهر من حقه طبيعي يطالب فيه خصوصا انك انتي الي تطلبين الطلاق منه طبيعي يبي مهره وفلوسه اي شخص مكانه بيقول هذا الكلام خصوصا اذا انه منقهر منك لأنك تطلبين الطلاق لاسباب تقريبا ماهي دليل على انه مو كويس
وتراه سبق له الزواج وخسر كثير وفي الاخير ماتوفق ترى هالشي مو سهل عليه
واعتقد انه مادياته ماتسمح يسوي استراحه وكذا
وترى كل الرجال يشوفون الحفلات خرابيط خصوصا من سبق له الزواج
انتي خليكي ذكيه ولما تروحين بيته اهتمي فيه خليه يحبك ولاتنكدين عليه
مدري احس انه طيب وحنون ولكن خبل ومدقوق في الحياه
الدليل انه شاريك انه راح حلل للانجاب سنه كلامكم
والدليل الثاني انه يوم شافك ملزمه وبكيتي وافق على الاستراحه استغلي موافقته بسرعه وارسلي له اسم الاستراحه

انا اشوف انه الطلاق مو سهل عليه ابدا لانه فيه عضوه قالت انه الطلاق عنده سهل وزي السلام عليكم مدري على اي اساس حكمتوا عليه بالعكس انا اشوفه حكيم
هو لما قال خلي ابوك يكلمني مو لانه الطلاق سهل عنده بالعكس هذا يدل على حكمته وعقله موزون ووبيبي كلام رجال مع رجال كلامه منطقي جدا وايضا من حقه يطالب بمهره لانه مو بنك يرمي فلوسه عالفاضي هذا شي طبيعي جدا وحده تقوله ابي الطلاق وش تتقوعون ردة فعله بيقول هذي ماتبيني مغصوبه مابيجلس يترجاها ويقولها تكفين تزوجيني
ومن حقه انه يخاف انها مغصوبه عليه ما عنده استعداد يعيش مع مغصوبه عليه خصوصا انه واضح انه عانا من طليقته الأولى

من جدك انتِ تقوليلها تزوجي عشان تنجبي ومو مشكلة الطلاق بعدين
مافكرتي في مصير هالطفل مافكرتي فيها وفي عذابها


لاوالله الطلاق الحين سهل وهي مازالت بتت عذراء
وربي بيرزقها بافضل منه ان شاء الله
بعض الردود اعوذ بالله منها