امك تعاملها مع عيالها جذي.... وهم عيالها.... عجل شلون كانت تعامل ولد الناس اللي هو زوجها.....
ودخلت بالسحر وتركت اخوها يخرب حياة ابوك....
ولا زال لها وجه تطالب في قطيعة ابوكم....
خليها تحاسب نفسها.... وخليها تتوب لله... لان السحر من السبع الموبقات نسال الله العافيه والسلامه.....
.... الله سبحانه وفق ابوك وتزوج وارتاح... فتح عليه باب الصلاه وحب المسجد..... وقلبه لان من ناحيتكم لانه مسؤول عنكم امام الله.... وتراه مو مسؤول عن امك... لانها طلعت من ذمته......
امك ربتكم كثر خيرها.... بس مالها حق تقطع بر ابوكم... لان الام اللي تحب عيالها ماتتنمى لهم العقوق.... لانه من العقوبات العاجله في الدنيا....
لكن قلبها اسود وتبي تبرد غلها بأبوك..... وتحرمه منكم.... لانها حرمتكم منه وانتم كبار..... فاكيد كانت تمنعه من زيارتكم يوم كنتم صغار.....
على فكره... بقولها لك من الحياه.... كلكم راح تروحون لأبوك وتبرونه.... وراح تتخلون عن امك وتجاملونها.... لان الانسان اللي يزرع شوك يحصد شوك.... هي تزرع في صدوركم شوك على ابوكم.... واول واحد يجرحه الشوك هي....
والايام دول.. ومافي شي على حاله....
بقولك شي.... قريبتي تزوج عليها زوجها وماداس لها فراش... تقول لعيالها برو ابوكم... وانا وابوكم بيننا الله اخذ حقي منه أمام الله الذي لايظلم احد....لكن انتم عياله واجب عليكم تبرونه...... النتيجه ماشاءالله تبارك الله عيالها كلهم بارين بها وبأبوهم.... لانها ما أوغلت صدورهم على والدهم لوجه الله.... فكان الجزاء من جنس العمل.....
امك تزعل...لكن فيما بعد راح ترضى بالامر الواقع.... وقولي لها يمه انا مابي اكون عاقه... لان الدين سلف ودين... بكره عيالي يطردوني اذا طردت ابوي.... واللي بينك وبين ابوي... مالنا شغل فيه لانه زواج وانتهى.... انتبهي من العقوق واذا جاك ابوك هلي ورحبي... لانك تبين عيالك باكر يبرون فيك.... واحتسبي الاجر.... وحثي اخوانك ع بر والدهم..... لان عقوبته العقوق عظيمه.
اذ كانت الام كذاا ايش الحل ..
متابعة النقاش، صفحة 4