السنعات - القرمات - الظفرات شاركوني أسراركم🙋‍♀️💅✨

جيبي منشفه وحطي عليها مويا دافيه وديتول وعطر زيتي او اي عطر تحبيه وامسحي الطاولات والأبواب ومقابض الباب والدواليب والأثاث الخشب وبعدين بخري بمستكه ثم بخور عادي وشوفي الريحه ..( ماني سنعه ومن محبات التسدح والتصفح بس اعشق البيت المعطر والمبخر ☺❤

البيت عندي مفروش
كل اسبوع بعد ما اكنس الفرش
اجيب طشت كبير احط فيه مويا مع كمفورت او ديتول
او زيت عطري
واحط المكنسه بطشت وامسح الفرش
الفرش يكون ريحته حلوه على طول وتحسين كانه جديد
طبعا مانغرقه بالمويا
وبعدها تهويه البيت وتشغلي المروحه
يبقى الفرش كانه جديد مهمها كان قديم عندك

قبل تبداين تطبخين مثلا رز او اي شي فيه بصل
قبل تبدأين الطبخ بعشر دقابق ولعي شمعه بعدين اطبخي
الفائده تسحب ريحة الطبخ من المطبخ

انا اصحى الصباح مع عيالي اذا قامو للمنصه وافطرهم وابدا شغل البيت كله الغرف امسح واكنس فيها واحط غسيل في الغساله واكنس الاسياب وامسحها واغسل الحمامات والمغاسل واكوي الغسيل الضروري هذا كله ياخذ مني ساعتين يمكن وبعد انتقل للمطبخ اغسل مواعين الفطور واحط قهوتي عالنار واشطب الضروري واطبخ غداي وعلى بال ماتخلص الكشنه اخذ فوطه مبلوله وامر عالدواليب من الداخل والخارج عالسريع و امسح الاجهزه معي مره وحده وواعقم المجلى بكلور واكنس الارضيه وامسحها وبكذا يكون البيت نظيف باقي اليوم

دواليب المطبخ
افرش جواتها مشمع عشان لايتخدش الدولاب
وقت التنظيف اخرج المواعين وامسح المشمع بسهولة

غسالة المواعين اتعب وأنا امدحها اللي ما قد اشترتها لا تترددين

اي عطر ثقيل عندك وما تحبينه .. زي عطور العود انا ما احبها
ارشها عالكنب وابخر والمكيف يكون عالبارد
تطلع ريحة البيت حلوة وتثبت
الملابس في النشافة الحرارية أحط معها وحدة معمول بخور في شراب نظيف واربطه 😂 بس تطلع ريحة الملابس حلوة

شخابيط الأقلام عالجدران استخدمي لها ديتول البني زيما هو من غير تخفيف على قطنة وافركي افركي افركي تروح

اذا تصبغين الصالة انصحك ببوية (لايمستون) من جوتن
مرة مرة فرقت معايه في الصالة
تعطي احساس بالنظافة
شوفي في قوقل تفرجي عاللون

لمن ابخر اول شي بخور مستكة وبعدها البخور الثاني سواء عود أو معمول