التجمع ١٧٢ للمقبلات على عمليات اطفال الأنابيب والحقن المجهري

شاي حليب
الحمد لله يارب فرحت لك من كل قلبي اللهم لك الحمد والشكر
الف ألف مبروك الله يتمم لك على خير ويبشرك بسماع نبضهم يارب

في وحدة كانت معنا مرجعة من أمريكا من المبتعتين
بشري عنك
وغزاوي الي رجعت 5 اجنة وينك طمنينا عنك

وام عثمان صاحبة القلوب الخضراء 💚💚💚💚

وبريتي
والاخت m7 الي عندها أطفال من ذوي الاحتياجات وطلع لها جنين سليم بشري رجعتي ولا باقي

طمنونا عنكم

اهلين حبيبتي موجوده ويومياً ادخل اشوف مشاركاتكم واتطمن عليكم بس كنت ناسيه الباس ومتعاجزه اطلب باس جديد من الموقع 😂😂
الحمدلله على كل حال فشلت عمليتي اللي سويتها الشهر اللي فات
وان شاء الله ٩ مارس عندي ترجيع مجمد.
فكرت اسوي فحص اجنة لكن انا خلاص جمدت الاجنة وفيه مخاطره بفك التجميد وفحص وبعده تجميد مره ثانيه.
والمبلغ صدمني الصراحه اقل شى ٥ الاف دولار تقريباً ٢٠ الف سعودي فكلمت التامين عشان اذا بسوي اكون جاهزه والحمدلله الله وزقني بسعودي بخدمة العملاء و قال انه الدكتور اذا طلب هذا الفحص يكتب بالتقرير انه الزامي بكود معين واعطاني كود قال بكذا التامين يدفع. بس اذا مادفع برسل للسفاره التقرير عشان يرسلون للتامين انه يغطونه لي.
اما فحوصات فالدكتوره طلبت خزعه للرحم وسويتها والحمدلله كل شى سليم تقول كنت خايفه من اجساد مضادة. وطلبت منها تزيد المثباتات واعطتني ابر زيتيه وتحاميل.
بس دعواتكم الله يسهل اللي جاي ويرزقني الحمل لانها بتكون الخامسه وانا احاول اشجع نفسي بقد ماقدر والظروف كلها ضدي.

هلا اشراق تو بديت في خطوات ترجيع المجمد رحت موعدي عطاني حبوب استراديول وموعد بعد اسبرعين والله يكتب اللي فيه الخير باذن الله ابشركم قريب

ايه والله غزاوي الله يذكرها بالخير.
ان شاء الله ان امورها في تحسن

الي فاقده من ٣ شهور دلوعة زمانها