شلون اصلح بينه وبين امه؟

مدري بس احس مافيها طب مالك الا تدعين الله يؤلف قلوبهم وخليها تفقدك وقفي هدايا واهتمام شوي يمكن جاها كبر من دلعكم لها. لو بتاثر هالامور كان اثرت يمكن هي من الناس الي تجي بالعكس او الي تحب تشوفك حزينه ومو مهتمه بلبس وشكل فيه ناس كذا عقلياتهم

مافيه عقوق هي الي نيتها مو صافيه وماتتمنى لولدها الخير ان كلن فيه ذنب فهو عليها انتم مايلحقكم شي كثر خيركم دايم توصلونها وش تبي تخرب بيت ولدها ولا يقهرها انه مبسوط مع زوجته. توكلي على الله لاتخافين من ذنب ماسويتوا غلط ومدارين خاطرها الا في شي فيه ضرر و معصية وهو الظلم والاذى والطلاق.

عاد ولدها وبطريقتة يخلي امه ترضى عليه يروح لها ان شاء الله لو كل يوم يبوس راسها ويدها ويعطيها من الكلام اللي يطيب الخاطر وبعد فتره ياخذك عندها وتكون راضيه ونارها طافيه وتسلك الامور ان شاء الله

لا انا مااروح لها لي تقريبا ٧ شهور مارحت ولاهمها بس زوجي وولدي يروحون لها ويرجعون متضايقين منها الله يعين بس كان ودي باللمه والجمعه معها ومع سلفتي وعمات ولدي ننبسط مع بعض ونسولف والاخوان يتشاوفون بس هي ماتبي ولو يغيب زوجي عنها سنه كامله ماتتصل عليه ابد استغرب منها انا امي لو يوم فقدت احد من اخواني تتصل عليهم وينكم وشلونكم شلون حريمكم وعيالكم تعالو تقهوو وتدورهم

نفس ام زوجي ونفس طبعها ماتجمعنا ابد السلايف لو هي ذابحه حاشي مانشوف بعضنا بيتها ابد مانتشاوف الا بالزواجات وإذا سويت عزومه تركز على وحده أو ثنتين والباقي ابد ماتعترف فيهم ولاتجي بيوتهم
مره عطيتها خاتم أخذته بدون نفس والخاتم غالي وفخم بعد كم اسبوع أرسلته مع ولدها الصغير تقول ماتبغاه حلفت مارسل عليها هدايا ابد صرت بس اعطيها فلوس
لاتكوني سلفتي وانا مادري 🤔