الحرمة اللي تدخن او تعشل

من زمان وانا مستغربه من مواضيعكن واقول ذولي وين عايشاااات ...اجل السعوديه صار عادي وعلني المعسل فيها ..لعنبوا ابليسكن ليش تكذبن ابي افهم ليش وتتكلمن بالنيابه عنا ( سعوديه نجديه قبيليه ابا عن جد )
على كثر الاماكن اللي نطلع لها والمقاهي والحدائق الا اني عمري ماشفت احد يعسل ياربي يمكن مرره بحياتي كلها شفت بحديقه شباب وحتى مستحين مره من الناس ..
يمكن باستراحات ماادري لكن علنا مافيه ابد مافيه
ولا تصورن للناس انه امر عادي وانه كثير ..ياخي قولن الحقيقه كما هي ليش التأليف !! ولا عايشات بسعوديه غير سعوديتنا !!!

من جد !!
واستغربت لما قريت الردود الاخيره !!

كيف يعني ماعندنا بنات يدخنون ولا يعسلون ؟؟
وكيف ماعندنا اماكن فيها شيشه وتقدم عادي ؟؟
اتوقع هالاماكن ماتروحون لها او ماتعرفونها
ماقصد انكم مو قدها او انها راقيه !!
بالعكس اماكن مافيها رقي و ماحب ادخلها لانها تكتمني الشيشه
وماحب اروح لها مع اهلي او صديقاتي والافضل انكم ماتعرفونها
مثلا المطاعم والكوفيهات اللي ع البحر يكون فيها مكان داخلي ومكان خارجي يقدمون فيه الشيشه ويكتبون ممنوع تحت ١٨ بس اشوف بنات بعمر المتوسط يشيشون
فيه كوفيهات هنا بالرياض نفس الشي ويكون سعرها من ٧٠ وفوق وحدها يعني غير انها حرام يعتبر استغلال
كنا بنفطر برا انا وخواتي وزوجات اخواني بس اضطرينا نفطر داخل بسبب ريحة الشيشه وكانوا الكل يشيشون
الحين هالفتره موقفين من البلديه ممنوع يقدمون الشيشه عشان المرض والعدوى وكذا
والدخان اتذكر من كنت بالمتوسط والثانوي يدخنون بالحمامات
وبعد بالجامعه نشوف دخان بالارض كثير
والحين الالكترونيه في يد بعض البنات حتى وهم يسوقون
لا تنكرون شي موجود ومنتشر بس لانكم ماشفتوا !!!
والحين حتى بعض البنات اذا تجمعوا بالاستراحات يطلبون شيش ومعسلات وكذا
بس ليه نعيب عليهم وننزه انفسنا !! تراه ذنب وربي يهديهم و المفروض نقول الحمدلله وربي لا يبلانا باللي بلاهم فيه

يختي ماامداني اتنكر الا وقفطتيني
اهنيك على ذكائك الخارق
استمري

ام خشم مااتوقع انها عهود
عهود كانت تغلط بس العضوات يحبوها بس ام خشم منبوذه ي حرام

كذبتي وخسئتي ان المدارس وبالثانوي والمتوسط يدخنون بالحمامات وفي الجامعات دخان على الارض طول حياتنا ندرس بمدارس ماعمرنا شفنا هذا الشيء ولو حصل اللي تقولين يالكذوب لو حصل مجرد يحصل انفصلت البنت من المدرسه او الجامعه
وانتي تدرسين اجل قبل ٥٠سنه هههههههه هااا يالكذوب


مدارس الاولاد وهي اولاد ممنوع التدخين ولو حصلو ولد يدخن جواتها انفصل واستدعو ولي امره وانتي تقولين بالحمامات ومرمى ع الارض اذا جيتي تكذبين اكذبي كذبه صاحيه منشان نصدق