شوفو اختي وش سوت

السلام عليكم


"رب عدو لك ولدتة امك "
مقولة تنطبق على اختي الكبيرة و اخوي


يقال ملتزمة و حافظة لكتاب الله و تُلقي محاضرات في اماكن عدة بالمدارس قبل يوقفونهن
و دُور تحفيظ القران
و اخوي مؤذن


اختي من فترة طويلة تذب علي كلام
ولو حد شكى مني او صار لعيالي شي
على طول تقف في صف الشاكي
و كلام على كلام حار محد يتحلة و انا مغير ساكتة




بحكيلكم موقف


كنت عندها بالبيت جاية من مدينتي
و ولدها الكبير نزل للبقالة و ترك باب الشقة مفتوح


ولدي عمرة ٣ سنوات حركي جدا ما شاء الله
نزل ولدي يوم لقى الباب مفتوح


فقدت ولدي قمت ادور علية ما شفتة
لقيت باب الشقة مفتوح قلت اكيد نزل


بنت اختي قالتللي اخوي نزل البقالة و ترك الباب مفتوح


طلعت ادور علية
و بنتها بعد تدور علية من جهة ثانية
و بعد ولدها يدور علية


شوي و جابة ولد اختي و قالي واحد يقول لقاه يمشي لحالة بالشارع و خذاة و جابة مسجد لاصق ببيت اختي
و قالة انتبهوا عليه


اختي كانت بغرفتها و انا مع بناتها بغرفة
يوم درت اختي بالسالفة جت تقولي هذا كلة من اهمالك و استهتارك
و انت مهملة مدري كيف تربيهن


بعد هالسالفة بشهر و اكثر
راحت المول و كان معها ولدها الصغير اصغر من ولدي ب١٠ شهور
فلت منها و ضاع بالمول
و جلسوا ساعة يدورون علية
ليمن لقوة
قلت في نفسي سبحان الله شلون ضيعتة و من فترة تقولي مهنل و مستهترة
يوم نزل ولدي من بيتها بسبب ترك ولدها لباب الشقة مفتوح
و غيرة و غيرة مواقف واجد


تزاعالت مع زوجي و تركت بيتي
و بعدها بشهرين جت ام زوجي تشكيني عند اخوي و خالي


و جاء اخوي علم اختي و اثنينهم شبوا فيني و كرهوني عيشتي
و ما رضوا يسمعون مني اي كلمة
لان اشياء تشيب الراس ما اقدر اقول لاخوي
و اختي قالت لي اسكتي ما ابي اسمع شي


رجعت بيتي بعد سنة
و نزلت بيت اختي يومين
و كنت راجعة مدينتنا
و امي قالتلي لا ترجعين الا اروح بيت اهل زوجي و اسلم عليهم بحكم القرابة
و بعد اختي قالت اي روحي سلمي عليهم


لان بييني و بينهم مشاكل كبيرة بعد تشويههم لسمعتي و انا قلت ما راح اطلع انا بالشينة و قلت كل الي بخاطري للناس


المهم رحنا و ليتني مارحت
تهجموا علي و لعنوني و ما بقى سبة ما قالوها لي
و اختي قالتلها و هي معطيتني ظهرها
انا بعد جتني تشكيني و صديتها
و صرت ما اجلس معها لو جتني البيت بسبب شكاويها


انا تجمد الدم بعروقي
انصدمت صدمة عمري فيها


و قالولي شفتي اشلون حتى اختك ما تبيك
انت محد يبيك


طلعنا من عندهم و رجعنا بيت اختي ضفيت كل اغراضي و طلبت كريم
و رحت حجزت لي و جلست كم ساعة بالمطار حتى جاء موعد رحلتي و رجعت


حلفت بعدها ما عاد اطب بيتها
وبعد سنة كنت عندهم بالمدينة و جوها ثنتين من قرايبي
و سمعت و جيت بيت اختي جلسنا ساعتين و رجعت الشقة الي استاجرها زوجي


و مع مرور الوقت كبر الي سوتة اختي بقلبي
و هي ما اكتفت بالكلام الي قالتة عند اهل زوجي
قامت تذب علي رسائل بالواتس
على ارقامي انت و انت
رديت عليها رد مسكت و ما عاد ردت
و من بعدها قررت اقاطع اختي
و اخوي
بلكتهم بالواتس و حظرت اتصالاتهم
و طلعتهم من حياتي نهائي


و علمت امي بكل شي و قالت لي الله يصبرك و يهدي سرك
ما حبت تكلم ام زوجي
و زعلت اشلون اختي و اخوي يسون فيني كذا
امي و ابوي عايشين بالخارج للي تسال




صدق من قال رب عدو لك ولدتة امك




و ما اوصفلكم اشلون كبر راس اهل زوجي و شافوا نفسهم اكثر
بسبب عمايل اخوي و اختي


حسبي الله و نعم الوكيل فيهم