التصفيق على ورا حق شد الصدر + سؤال ثاني ؟؟

قوه بنات

عندي سؤالين << يا كثر اسئلتي !!

بس قلت اخليهم بموضوع واحد مع ان كل واحد موضوعه غير وماله علاقه بالثاني ..

السؤال الاول : << عبالي داشه امتحان ههههه

انزين// تعرفون تمرين التصفيق على ورا الي حق شد الصدر ؟؟

هذا يعني نثبت يدنا ورا ونصفق ، او تتحرك وقت ما نصفق يعني تيي جدام وتروح ورا عشان تصفق ؟؟


السؤال الثاني مكانه مو اهني بس انا قريت عنه اهني في موضوع وحده من البنات راده على وحده ماذكر الرد بالضبط بس بما معناه ان الله بيعوضه بالحور العين اجمل نساء الدنيا << كان هالكلام عن الزوج ..

ابي اعرف، يعني الواحد حتى لو يالدنيا متزوج بالجنه انشالله اهو وزوجته كل واحد يتزوج واحد غير يعني او تظل زوجته نفسها الي كانت زوجته بالدنيا (طبعا اذا الله كتب لهم الجنه اثنينهم) .. او تظل اهيا زوجته ويتزوج بعد غيرها حور عين ؟

مادري عندكم فكره او لا، بس الصراحه مادري اذا الله انشالله كتبلنا الجنه انا و :arb: مابي تكون عنده زوجه من حور العين، بس انا ..

في ناس قالو ان تخدمه بس او شي جذي بس مو متاكده وابي اعرف منكم اذا عندكم علم في هالشي ..


وسوري مكان السؤال الثاني غلط بس مادري لأن اقرى في هالقسم وشفت عنه :)

14 تعليق 2,529 مشاهدة

شاركي في النقاش

سجلي الدخول لإضافة تعليق.

التعليقات

12
  1. هلا حياتي
    السؤال الاول ماعرف جوابه
    الثاني يكون انتي الزوجه الاساسيه وعنده زوجات حور عين
    بس لاتخافي حتكوني احلى منهم والحور العين يغاروا منك
    لانك انتي عبدتي ربك وصومتي وصليتي
    في شريط لعمرو خالد روعه ناسيه اسمه هو اللي قال هذا الكلام
  2. @ahlaaaaam1400

    ياليتني أدخل الجنه لو يتزوج مليون غيري
    المهم اني بجنة النعيم (مالاعين رأت ولا أذن سمعت ولاخطر على قلب بشر )


    الله لايحرمنا ويكرمنا بدخولها جميعا
    اللهم آمين
  3. @hb_almas77

    حليلك ياغيووووووووووووووووووووووووووووره خلنا برحمة الله ندخلها وصدقيني ما حيكون تفكيرك كذا
    زي زوجي كنا نسمع شريط ديني بالسياره وتكلم عن حور العين قمت قلت الله يجمعنا بالجنه قالي لا لاحقتي لاحقتي حتى بالجنه
    ماينعطوووون وجه بس حلوه ياغيوووره بتكوني احلى باذن الله
    ههههههههههههههههههه

تابعي تجارب أخرى من هذا القسم.