ظلم الام. هل يجوز السكوت عنه !

بسم الله الرحمن الرحيم
كنت صغيره و كنت احس بتفريق كبير واذا صارت مشكله مع اختي محد يسمع مني على طول ضرب على طول الظالمه انا بكل مشكله (والحُجه كانت احترمي اللي اكبر منك وبس ) لدرجه تقولي ( انا بقتلك و عادي احزن اسبوعين وبعده انسا) وكان السبب انو جاء ابوي وما امداني اكنس الصاله بتسالوني عن عمري وقته ! يمكن ١٠وما يزيد عنه ، وكنت ابكي واسكت ومواقف كثير بس هالموقف عجزت انساه
وعلى فكره حنا بنات ولنا اخو واحد هو الكبير وله الاحترام التام حتى انه كان يضربني قدامها وكانت تسكت والحمد لله على كل حال وطول عمري ساكته ولا اتكلم ولا اشكي وبعدها جانا عيال والحمد لله
والان كبرنا انا واخواني الصغار وبيني وبينهم ١٠سنوات و١٥ سنه وللان القى الظلم 😭. والتفريق بيننا
بعد ما كنا حنا اللي ماسكينهم ونلبسهم ونوكلهم ونومهم صارت تميزهم وتحاول تعطي لهم الكلمه. واذا سمعتني انبهه عن شي او. اخانقه على شي جت تخانقني وصرت انا الغلطانه. لدرجه الحين هم اللي يطولون اصواتهم علي وكلمات ما الومهم ،لانها تهينني بين اخواني وخواتي. والحين صار الكبير والصغير يقرط علي كلمات ويهيني
انا الي حارق قلبي اذا تكلم واحد علينا تسكت واذا ردينا تخانقنا و تقول صغير. الله واكبر يا زمن وين راح نظام احترام الكبير يعني انا اللي صرت بالنص والحمد لله على كل حال
لكن هي دايم تتكلم بابوي وانه كان وكان وكان لدرجه كشيت عنه مو مره بس ما عمري شكيت له عن شي خاص فيني ابدا . مع اني ما عمري شفت منه شي وطبعا الكلام ياثر
والحين قبل اسبوعين ناقشته بموضوع الظلم وقلت له انو انتي تظلمين لكن مع الاسف قالته وبكل جراه ( قامت انا يا كبرت مني قاعده عند رجالكن ) شلون يعني كل اللي تسوينه مقصود !! يعني بظلمك لنا بأمل انه يجيبك عنده يا كبرتي !! قامت وقالت انتي وابوك. تتكلمين علي ....... سكتت وبلعت الصيحه
وقلت والله لو تتكلم بأبوي اني ما اسكت على الاقل ما شفت منه شي وجاء يوم السبت اللي. راح وصار فيه تمييز وما قدرت اسكت وتكلمت. وعيرتني بابوي مره ثانيه وصرخت وبديت اقول كل اللي بقلبي الي مكبوت من سنين. وقلتله وقدام خواتي واخواني. انتي تكرهيني و انًو انتي تسبين ابونا عندنا عشان نكره وبعدين ما يبقى لنا الا انتي وبعده تذلينا على كيفك وهي تبتسم وتكشر. ما توقعت بحياتي كله ان هذي نيته
والمشكله اللحين قلبت البيت علي انا واختي اللي وقفت معي وكاذبت عليهم وقالت لهم اني انا ضربتها. وناما مديت يدي عبث. (حاطه يدها على رقبتي وانا مسكت يدها وجرحتها ). وابوي يحسب المشكله بيني وبين خواتي ونصحنا. وانا مشكلتي ابكي وما اتكلم. وطبعا هي سبقتني وتكلمت وسبت ونبشت شي قديم. بس عشان ابوي ما يسمعن
ادري طولت عليكم بس عشان تسمعون قصتي و محد يتكلم ويقول هذي امك مهما صار
والحين هي طالبه منه يأمرني على شي. وهو ساكت وما ادري وش وهو من النوع الهادي الطيب بس انا ماادري وش قالت له بضبط. لان هي من النوع اللي تقول الي سويت بس ما. تقول السبب
وانا ما ادري شلون افاتح ابوي بالموضوع ....... افيدوني وش اسوي