السلام عليكم ورحمه الله وبركاته صديقتي المقربه جت عندي امس تشتكي من زوجها صديقتي عندها السكري من عمرها 9 سنوات و الحمدلله متعايشه معاه للحين وعمرها 28 سنه بسم الله عليها محافظه على سكرها وعلى اكلها وكل شي سكرها تقول مايتعدى 180 وهذا يعتبر مؤشر ممتاز بالعاده اللي فيهم سكر يوصل 500 تقول زوجها دايم يعايرها بالسكري يقول لها ياقراده حظي متزوج وحده مريضه مثل العجايز 🤕 تقول ولمن يشوفني اكل قطعه صغيره شوكولاته يقولها انتبهي انتبهي لايطير سكرك ترى انتي مريضه تقول ولمن يشوف فيه دورات مياه بمكان عام يقول الحمدلله انهم حاطين عشان مرضى السكري كل شوي دوره المياه ويضحك طبعاً ارتفاعات السكري تسبب كل شوي بول وانتو بكرامه وياكل حلى ويقول الحمدلله على العافيه اني اقدر اكل اللي ابغى بدون ابر وبدون علاجات مثل اللي فيهم سكر ويضحك تقول هذا الكلام يجرحني ويقطع قلبي تقول مو انا اللي جبت لنفسي السكر هذي امر الله 🥺💔 طبعاً شالت اغراضها كلها وراحت عند اهلها وطلبت الطلاق صار لهم سنه و اربع شهور متزوجين ماعندهم عيال
اقسم بالله العظيم اني اذا شفت هذي النوعيه اللي يتشمتون بالمريض اني احقد عليهم و ادعي عليهم من كل قلبي يابهايم وتكرم البهايم عنهم في احد يتشمت بـــ ابتلاء رب العالمين اقسم بالله انهم نوعيه مخيفه بعض البشر لافي قلوبهم رحمه ولا انسانيه المصيبه انه متعلم زوجها ودارس في جامعه هارفارد وهذي اخلاقه
شاركي في النقاش
سجلي الدخول لإضافة تعليق.
التعليقات
31- التعليم ما له دخل بالأخلاق فيه ناس مو متعلمه و بسم الله على أخلاقها ما شاء الله تبارك الرحمن
من عاب ابتلى
الله يشفيها و يفرج همها و يسعدها - معقوله يسوي بها كذا
يمكن حيله منه يبيها تكرهه
وش سوا لما راحت لاهلها يبيها ترجع والا لأ - وعليكم السلام ورحمةالله وبركاته
الحمدلله انها مااستمرت معه
هي مريضة تؤجر على مرضها وهو يستهزء ويتشمت ويزيد سيئات
الحمدلله انها اتخذت القرار الصح قبل لايكون فيه عيال
ويذلها فيهم ويحرمها منهم
هذا مايتعاشر
قال الله تعالى
{وَيْلٌ لِّكُلِّ هُمَزَةٍ لُّمَزَةٍ }}
وبكرة بيكبر ويجيه سكر
هي سكرها وراثي وجها مبكر ه جايه السكر جايه الدول العربية يتوارثون مرض السكر
فالافضل يتزوجون من برى وراح يقل السكر
بس قدر الله وماشاء فعل
لاتزعل عليه لانها ماعمل لها اعتبار ولا حتى راعى مشاعرها
بكره لاحملت بيعايرها بعد بتعبها وتغير شكلها في فترة الحمل او زيادة وزنها
لاتهتم الدنيا دوارة ممكن ربي يبتليه بمرض مايقدر ياكل كل شيء
الله يعوضها بالاحسن - لا ترجع له لانه ما خاف من الابتلاء
ولا خاف يجرحها في شي مو بيدها
الان تتركه بدون اطفال احسن من معها طفل
انا لو مكانها لو يعطين كنوز الدنيا لانها عاده عنده
مستحيل يتركه - لا ياتوت سكرها مو وراثي ابداً لا اهل ابوها فيهم سكر ولا اهل امها فيهم سكر هي الوحيده اللي جاها اعتقد مو وراثه السكري ابداً لاكن الله يعوضها
مواضيع مشابهة
تابعي تجارب أخرى من هذا القسم.