والدي الله يرحمه ليلة وفاته كان مافيه شيء يتكلم و اموره طيبه دخل غرفته ينام وخلى الباب شوي مفتوح وامي جالسه بالصاله تسمع صوت إييييييه إييييييه وتدخل الغرفه تلقاه مسدوح و يده ملوحه و انتم بكرامه مستفرغ على جسمه و بنفس الوقت موسخ ونادت اخواني واحد حاول يشيله الثاني على طول اتصل على الاسعاف امكن لانه ممرض جاه بباله على طول .. المهم دقايق والا الوالد يصحى مع شيلة اخواني له والله يكرمكم دخل دورة المياه واتحمم و رتب لحيته و قص شواربه و اتعطر وجوه الاسعاف ينتظروه لين خلص وقاسوا الضغط والسكر ومافيه ولا شيء .. خرجوا الاسعاف رجع ينام من جديد بغرفه ثانيه وامي وقتها مبخره البيت كله عشان الروائح الي طلعت .. سبحان الله دخل ينام وامي معاه وخلال دقيقه بس يموت من غير اي شيء او تعب سبحان الله تطيب وتنظف والبيت كله مبخر والفرش نظيف وجديد وهو مكفن شفت خده مورد ماشاء الله ومبتسم اعمال والدي كانت كثرة قرأت القران امكن يختم بثلاث ايام بالكثير اذا مو اقل كان بعد كل صلاة يقراء القران والدي كان يحب يتصدق بالماء .. كل دايم يقلنا سوا صدقة مويه بعشره . عاش خفيف من الزعل والحقد ومات خفيف جداً ماهو ابداً زعلان من احد ولا احد زعلان منه متخيلين ماعمره نام وهو زعلان .. كثير المسامحه .. ما تعدي دقيقه الا وهو مسامح ومرتاح . ربما تكون في اعمال خفيه اخرى لاكن هذا الي اعرفه عنه الله يجمعني واياه في الفردوس الاعلى
زوجي الله يرحمه جاله التهاب بالرئه بسبب كرونا و بنفس الوقت كان عنده القلون وادوية القلون الي كانو يعطوه اثرت على المناعه ولما توفى وشفته انصدمت طبيعة زوجي اسمر سمار اغمق من المتوسط بدرجه وهو ميت كان ابيض ابيض جداً و ماكان مبتسم بل ضاحك نفس ضحكته الي نعرفها لما يضحك من قلبه ينفتح فمه بطريقه معينه تبان كل اسنانه .. وفي له صور وهو يضحك دي الضحكه اول ما رجعنا من المغسله اخته طلعت صورته وهو يضحك دي الضحكه والله انها نفسها نفسها .. ربما والله اعلم يكون مبطون بحكم انه القلون كان سبب في تأخر علاجه الله يرحمه كان على مرتبه وظيفيه طيبه وكان يحب يتعامل مع الي تحت ادارته بعدل ودايم يعلمهم العمل بنفسه ماشاء الله عنده اسلوب شرح ممتع كان يجمعهم ويعلمهم و يجيب لهم فرص في الدورات حتى يرتقي مستواهم الوظيفي و كل الي اشتغلوا معاه ما كانوا الا يمدحوه ويثنوا عليه حتى يوم دفنه جوه كثير بالمقبره من الي كانوا تحت ادارته تقريباً اكثر من خمسين شخص لانه تنقل بادارات كثيره وكان عنده شوية خير كان متكفل بثلاث ارامل بعيلته مخصص لهم مبلغ شهري .. وكان يحب يتصدق كثير .
والله يعلم ما اخفاه من اعمال اخرى عسى روحه بالجنه وربي يربط على قلب بناتي في فقده انا لله وانا اليه واجعون
ابوي مات وهو قاعد يتوضى لصلاة المغرب رغم مرضه الشديد يومها قام للحمام يتوضى وهو يرفع رجوله طاح بالارض وسحبوه اخواني بسرعة وكان مسلم الروح لباريها ولما مات كان مبتسم ولد عمي الشاب توفى الشهر الماضي وطول وقته اخر ليلة كان يذكر ربه وتحامل على مرضه وقام صلى وجهه وهو ميت تقولين مبتسم ابتسامة سخرية للحياة يالله ما اجمل وجهه تقولين نايم بسلام