السكن فوق اهل الزوج

مافيه فايدة من سؤال غيرك / متى طلعتي لبيت العمر


زوجها و ماديتهم و دخلهم مختلف عنك تماماً .. ناهيك عن الي ما قدروا يطلعون غير لما توفت أم الزوج .. الظروف مختلفة


الطبيعي إن الواحد إذا عنده فلوس بيشتري سكن .. ويطلع ..


البيت دورين أفضل .. و لكن دور واحد أرخص


الإسكان فيه تاون هاوس متوفر حالياً .. غرب المطار .. ضاحية الأرجان .. بس مرررة صغير .. 200 متر أتوقع .. اسمها فلل الياقوت .. سعرها 662 ألف ريال ( دفعة أولى 10% من كامل السعر ، ثم أقساط شهرية ميسرة )

أقصد بالرياض طبعـاً

مدري وين مدينتك

بس لو برا الرياض أكيد بتلقون بأسعار معقولة .. الرياض البيوت وصلت لأسعار خرافيه بدون سبب

ايه في الرياض انا..
انا اسال متى طلعتوا بعد كم سنه.. من باب السواليف.. َلان انا لي ٧ سنوات الان..

نعم ما فهمت
ربي يسهل امرك و يوفقك و يبلغك مناك اختي

ماسكنت مع اهل زوجي
بس اللي اشوفه مافي وقت محدد للخروج منه والسكن في بيت الملك
كل واحد وظروفه
في من طلع بسرعة
وفي من ليومك دا وهم لسا ساكنين في بيت اهاليهم
اللي عنده امكانية وراتبه حلو بيطلع بدري
واللي على قد حاله يقعد ببيت اهله افضله
وفي ميزة في السكن في شقة في بيت الاهل
هو انكم ماتدفعو ايجار
وتقدرو تبنو على مهلكم
ومن غير ماتزنقو حالكم
بالنسبة للسكن من رأيي الدور الواحد افضل
كل شي حولك وبنفس الدور
ولا طلعة الدرج وتعبه
بس طبعا تكون مساحة الارض كبيرة
ومتى ماتيسرت تقدرو تبنو فوق شقق للاولاد