زوجك مستحيل يحس فيك او يتغير لاتنتظرين هذا الشيء ... خاص للي اززاجهم ي

السلام عليكم
زوجك مستحيل يحس فيك او يتغير لاتنتظرين هذا الشيء ...
طبعا الموضوع خاص للي ازواجهم ينتقدونهم باستمرار
البنت اول ماتتزوج تصير مشاكل كثيرة بينها وبين زوجها معظم الاحيان لين يفهمون بعض وتستمر الحياة .
وخلال هذا الشيء الزوجه تدرس نفسية زوجها واطباعه وتقيسها اذا كانت معاها بس او مع الكل وكيف تتصرف بهوء وحكمه
انا شخصيا كل من يعرفني طيبه وهادئة ومسالمه بس ما اشتحمل احد يغلط علي .. ولا احب المشاكل نهائيا ...
زوجي بعد الزواج بدأ يسترجع طبيعته
راح اتكلم عن اكثر شيء مايعجبني فيه والموضوع مختص عن هذا الطبع .. ان ماعنده احساس .... وعنده انانيه .. وانتقاد دائم
يعني اعطيكم مثال
ياخذ عيالي الى بيت ابوه
ويقعدون لين الساعه ١٢
بنتي ترجع تبكي تبغى تلعب في جواله ويعطيها
واقول له لاتعطيها هذا وقت نوم
يطنشني يروح ينام بغرفه لحاله وانا اعاني تنام على الساعه ٢ ونص الى ٣ الفجر..
ولو احاول اسحبه منها يطلع يعصب يقول ليش تاخذينه منها ابغى انام .. يكفي ازعاج ..
المهم وانا انام بعد ما هي تنام بعدين اصحى الساعه ١١ الظهر
ويسوي لي مشاكل ليه ما تصحين بدري عشان تطبخين؟؟؟؟
ويصارخ علي والجيران تسمع
شفتووو انعدام الاحساس
وبعدين اوقات الدورة انا اتألم مااهمه ولا تهمه نفسيتي وعلى طول يبغاني شغاله بالبيت ..
انا طبعا ما اسكت و ارد عليه .. ابغاه يحس واعاتبه والومه
هو رجال يخاف الله محافظ ودين يوميا يقرأ القرآن
وانا كنت اشوف هذا الشي ... كنت واهمه نفسي ان ممكن
لان هو يخاف الله ممكن يوم من الايام الله يهديه وربي يهديه ان شاء الله .. يمكن يحس فيني
لكن مافي احساس صدقوني
اهله عودوه ان كل شي جاهز .. في وقته
جوعان او مو جوعان يبغى الاكل في وقته
المهم انا سنين على الوضع هذا بس مستحيل يحس مستحيل
ودائم الانتقاد ويفضحني عند اهله يروح يتغدا عندهم. .
ويخبرهم
المهم انا ماصرت اشتكي له .. ولا اعاتبه ..عطيته في الوجه ... شوفو اش سويت
رحت معاه عند اهله ومعانا العيال واهله يسمعون
ولما جا وقت الي المفروض ينامون .. قلت له تقدر توصلني الحين
لاني ابغي انيم العيال علشان اقدر اصحى الصباح
واطبخ ..
قالو لي لا اجلسي ليش مستعجله وشرحت الوضع اني ابي انوم عيالي لانهم يسهرون وانا ماقدر انام ولا اطبخ ولا شي
بدون ما تكلم عنه ..وهم فاهمين الوضع اكثر منه
وبكذا صار حل ..
لا تعاتبينه على شي .. اصفعيه بالكلام وصارحيه
اعطيه الكلام دفعه وحده ..
واذا انتي قادرة تسوين الشيء بس كارهه تخدمينه من اسلوبه
اياك تستخدمين اسلوب العناد لانك واضح تعاندين
لاتعاندينه ولا تترجينه
شيءء الي تقدرين تسوينه سويه
شيء مو قادره عليه اصفعيه بالكلام
قولي له تاخذ عيالك وبعدين يسهرون اسمح لي بنام وتصرف معاهم .. او نامي وخليهم يصارخون يزعجونه .. واذا جا يكلمك خبريه انك فعلا تعبانه وودك تنامين
حتى وان مارضى يومين ويتعود
الجأي للحل من غير ماتكثرين كلام معاه وخلك باردة اعصاب
لانك راح تتعبين من غير نتيجه ولاتسمحين له ينتقدك
...
سبق وحطيت موضوع انك لاتهملين نفسك لان ماراح يلتمس لك عذر
الخلاصه سوي اي شي تحبينه
سوي كل شيء على راحتك بس لا تتنتظرين زوجك يعذرك على شي ابد او يحس فيك
لان الي من هذا الصنف ماعندهم احساس
وبيني له بسكوتك وتعابير وجهك و ردودك الجافه معاه انك متضايقه
وصارحيه انك متضايقه .. ولا تترجينه على شي
انا كل يوم انظف البيت .. ولا يقول لي الله يجزاك خير او شكرا
اذا شاف البيت وسخ يعلق وينتقد
استمرضت من تغير الجو
شاف البيت وسخ ونظفه
كان يبغاني اشكر فيه ويسالني عن رأيي
قلت له نظيف .. وبس
وتضايق يقول ولا تقولين الله يعافيك والكلام الي كنت اقوله له قبل
رديت عليه والله اذا نظفت هذا بيتك .. انا كل يوم انظف مثل هالتنظيف ثلاث واربع مرات
وبصراحه لازم تساعدني لان البيت بيتك بعد
وصرت احاول اخليه وافرض عليه ان يساعدني بعض الاحيان
بس من دون ازعاج
يتني سابقا كنت اطلب منه المساعده
في صيغة تقدر تقعد مع العيال عشان انظف ؟
تغيرت الصيغة الى .. اقعد مع العيال لاني بنظف ...
لان ماعندي احد يراقبهم .. (ابين ضرورة الشي )
واذا كان يبغى يطلع .. اخبره .. بنتظرك ترجع عشان اقدر انظف وهكذا
لما كان ينظف البيت بعض الاحيان قبل اشكر فيه واخليه يحس كأن مسوي انجاز عظيم
الان لا .. بس بعض الاحيان اعطيه كلمه حلوه عالسريع بين فتره وفتره .. مثل جزاك الله خير ابو فلان وامشي
وهذي الامور كلها تخليه يحس
مو مثل اول اذا غسل صحن احسسه انه مسوي انجاز عظيم .. غصب يشوف نفسه


الزبده من الموضوع .. ماراح يحس فيك لاتتعبين عمرك
الا اذا غيرتي تعاملك معاه وفرضتي عليه بعض الاشياء بس من دون مشاكل او اسلوب غلط بس مصارحه يعني
كل مره زيدي طلباتك .. بهذه الطريقة راح يحس
اذا تترجينه او تعاتبينه مستحيل توصلين الى نتيجه


انا سنين بس قاعده اعاتبه واترجاه .. كل ماسويت كذا .. كلما زاد انعدام الاحساس..
ويهربون من البيت مايحبون العتاب