ليش يخافون من نجاحها؟؟

استغفر الله يعني اذا ساقت الطائرة بتروح جهنم
شوية اهدى من كذا
😁
بس اتفق ان الموضوع مثير للجدل
ولا رح نتوصل لحل
اذا في أوروبا وأمريكا اللي يتشدقون بالحرية لسى عندهم تقسيمات وتفرقة بين الرجل والمرإة والبيض والسود
واللي ينكر جاحد
عندهم تمييز حتى في الرواتب وظلم ومصايب وقمع حريات

انسبي القول لرسول عليه الصلاة والسلام

نيو مام
شاطحة ب2021
🤣🤣🤣🤣🤣🤣🤣

اصبري كم سنه بيفتحون عندنا الطيران مثل المحاماة ماكان فيه ولا عساكر ولا جيش والحين فتح المجال للتسجيل
والشي في بدايته يستنكرونه ويطقطقون عليه طبيعي جدا ومو بس قرار يخص المراء معروف اي قرار جديد لازم طقطقه وضحك وتعليقات
يمكن مايمديك الحين تدخلين بس شوفي اي مجال ثاني ودك فيه من المتوفر عندنا واكيد بتحبينه وبتبدعين فيه
بعدين اذا فتح التسجيل بالطيران وصار فيه نساء مين قالك انه بيسئلون الركاب ؟؟ الركاب يدفعون ويركبون
بس مثل ماقلت لك لاااازم من الطقطقه المعروفه حقتنا والله تعجبني واجلس اضحك عليها اذا كانت عامه مو تنمر ع احد او شخص معين

وعليكم السلام ورحمة الله وبركاته
اذا حلمك الطيران توكلي على الله ادرسيه وتعلميه المجال مفتوح لك ولكل من ترغب
لا تحطون كلام الناس والمجتمع ورأيهم الشخصي شماعه تعلقون عليها اخفاقاتكم وخيباتكم
ياما امور كثير بالحياة تكلموا ضدها الناس لكن هذا الشي لم يزد الراغبات الصادقات الا عزيمه واصرار في اثبات قدرتهم ونجاحهم وفعلاً نجحوا وابدعوا وتميزو واول من صفق وعزز وافتخر بهم هم الرجال
الخلل مو في الناس الخلل داخل عقولنا وفكرنا ونفسنا اللي تشتهي وترغب وتحلم لكن بدون فعل حقيقي
عندك مثال سواقة السيارة عاشو سنوات طويله يعلكون بالسالفه لدرجة ان بعضهم قرنها بالشرف والعرض والفساد والزنا وكلام مايدخل العقل وضحكوا علينا اللي يسوى واللي مايسوى ويوم جاء القرار وصاروا المستعدات الراغبات بالسواقه يسوقون مرت الشهور وصار الامر طبيعي جداً وتوقف ثلاث ارباع الكلام الفارغ اللي كانو يرددونه
اما الاخت اللي تقول الحريم كانو بيصدمون سيارتهم بس احب اذكرها ان الرجال كانو يسوقون طول العمر اللي مضى وكانت تقع حوادث شنيعه ويروح ضحاياها أسر واطفال ونساء ورجال والقائد من الطرفين كان رجال !
نرجع لمحور حديثنا
الدنيا كل يوم تتقدم وتتطور ويتطور معها الوعي والفكر الجمعي للناس
وتتبدل الآراء والقناعات عند الكثير من الناس ورغم هذا التقدم والتجدد إلا انه لابد يبقى شيء بسيط من القديم
ولله حكمته في هذا الشي ان البشريه تمر في مراحل وتدرج لطيف بكل شيء
وان الشخص يخوض امتحانه وتجربته في هذا الكون بصدق وايمان ويجتهد ويسعى ويتطور ضمن هذي التجارب والعراقيل والاختلافات
ومثل ما انتي تشوفين الرجال ينتقصون من قدرات المرأه ويخافون من نجاحها كوني منصفه وخذي نظرة من زاويا مختلفة ومتعددة بتلاقين ان حتى مجتمع النساء في كافة دول العالم مو بس مجتمعنا العربي فيه انتقاص لبعض الرجال ودورهم بالحياة وفي نساء يعلنونها صريح انهم خايفين من نجاح ازواجهم عملياً او اجتماعياً يحسون بنوع من التهديد والخساره
ببساطه هذا هي الحياة لازم فيها تنوع واختلاف له حكمته واهدافه ورسالته
تقبليها واسلكي طريقك اللي تحبينه واللي دولتك اعطتك الحق بممارسته ولا تلتفتين للكلام لانه ماراح يخلص