كيف نظامكم مع سحور رمضان

بنات انا عندي الفطور اسهل من السحور
ابغاكم تساعدوني باشياء اقدر اسويها الحين عشان يسهل علي السحور
احنا لازم سحورنا رز ولحم او سمك او دجاج .....
فكرت اني اسوي الكشنه من الحين وافرزنا يارب امي توافق 🥺
واقطع الدجاج واحط كل دجاجه في كيس
بنات عطوني افكاااار تكفوووون
وسالفة الكشنة تتوقعون بتضبط عادي بيطلع الطعم 😬

20 تعليق 6,961 مشاهدة

شاركي في النقاش

سجلي الدخول لإضافة تعليق.

التعليقات

20
  1. العضوية الراقية

    لا يا اختي ، لمن تسوين الفطور جهزي السحور من خضار و لحم او دجاج او سمك و حطيهم في البراد لوقت السحور و بس تطبخين وقتها
  2. @hide_and_seek

    بالنسبة للدجاج جيبي دجاج مبرد وقطعيه ونظفيه وحطيه في اكياس ثلاجة الكمية اللي تناسب سحوركم
    اللحم ما يحتاج شئ
    السمك احس أفضل شي طازج
    الكشنة ما قد جربت أفرزنها ،فيه ناس تكشن لمن يحمر البصل وتوزعه في اكياس ، وكمان يعصرون طماطم ونفس الشئ يحطونها بأكياس
    وممكن تبشرين الثوم كمية وتوزعينها في اكياس صغيرة حق كل يوم
  3. العضوية الراقية

    اي لمن تقطعين بصل قطعي معاه للسحور لمن تقطعين طماطم اتركي شوي للسحور و اللحم او الدجاج كذلك وخليهم بالثلاجه
  4. @gmalk_shrny

    اجل اشوف العكس السحور اسهل من الفطور
    الفطور متنوع وخيارات كثيره
    عموما الدجاج اذا اشتريتوه قولوا للرجال يقطعه ارباع ويكيس بالبيت وفيه محلات تكيسه
    بدال ماانتم تقطعونه
    والكشنه ايه تضبط نفرزنها احنا بالبيت وعادي الطعم نفسه
    ورمضان قرب اساسا يعني ماراح تخرب
    وانتم تسوون الفطور تكونون مجهزين حقات العشاء
    تسوونهم مع بعض اكثر الناس كذا ترا
    الرز ينقع ويترك . الدجاج او اللحم يطلع ويذبل واذا طبختوا الفطور يكون يطبخ بقدره
    وكذا بس بالليل يكون تسوين الرز واللحم اذا فرن او قلي
    وبس
    سوي اللي يريحك وامك لو رفضت سوي اللي تحبين
    واذا برمضان شافت امورك متضبطه بتقول وين من زمان عن كذا بدال البهذله
    ويااختي صلحوا جدول
    الاساسيات بالفطور ومعه وجبتين وبس
    مثلا شوربه وسمبوسه مع ساندوتشات وصينيه مع عصير يكفي وهكذا
    ومره مطبق من برا وشيء وجبه من برا اذا مضطرين تحطون اكثر من ٣ وجبات غير الرئيسيات

تابعي تجارب أخرى من هذا القسم.