شاركي في النقاش

سجلي الدخول لإضافة تعليق.

التعليقات

104
  1. @alaatbyh

    أختي العزيزه gold star .....الحياه الزوجيه مسؤوليه نظام اجتماعي قائم بذاته..كل مؤسسه زواج تمر بمراحل البدايه والذروه والنهايه بموت الزوجين وعلى إثر هاذي المؤسسه تقوم مؤسسات ثانيه من ذرياتهم....مو من اولها يا أختي تستسلمين الحياه طويله يبغيلها كر وفر..أخذ وعطاء..لا تستسلمين الاستسلام يخليج في موقف ضعف ومحد راح يتأثر نفسيا كثرج..سمعتي مثل اخواننا المصريين ابنك على ما تربيه وجوزك على ما تعوديه.. بالتعود بالتدريج..كل شي بيرجع احسن من قبل..الزواج قبل كل شي قائم على الموده والرحمه..إرحمي زوجك يا أختي ..إنظري له نظرة رحمه..أخذيه بحضنك.. لمي الموضوع..لا تخلينه يكبر اكبر من جذي ويصير مدخل لللشيطان يوسوس لج تسويين الحرام والعلاقات..الحياه الزوجيه مو لعبه ..الحياه الزوجيه مسؤوليه ..قومي صلحي اللي انكسر ودحري الشر واصبري وثاابري اولها صعبه وبعدين راح ترتاحين لما تجنين ثمار الحب اللي بتزرعينه..الله معاج يوفقج آآمين
  2. @byor_sol

    شغلي سورة البقرة في البيت واذا عندك قناة القران الي تطلع في المجد حطيهااا حتى لو بتنامون

    خليها شغاله طول الليل في الصاله .......
  3. @rafaah_rasy

    اهلين اختي :)
    انا مو متزوجه بس لما كنت بلندن كان فيه برنامج مثل طريقه سوبر ناني بس كل حلقه يجيبون زوجين بينهم مشكله جنسيه واغلب الاحيان تكون برود واحد منهم ويراقبونهم في بيتهم ويحلونها
    يعني هو البرنامج فكرته غريبه بس كانت مسويه بطريقه تعليميه ولا كان ينكشف شي او تشوفين شي مقرف بس يوصل الفكره

    المهم اتذكر ان اكثر الحالات كانت بعد ولاده واحد من الزوجين يجيه برود
    بس السبب دايما يكون شي صاير بالبيت وممكن تغييره
    زي مثلا بحلقه كان الرجال جاه برود لأنه طول الوقت مع بنوتته الصغيره يهتم فيها بحيث تفكيره مره بعيد عن اي شي جنسي وطول ما هم قاعدين البيبي بينهم حتى بعد ما تنام فما يجي تفكيره هناك اصلا
    فكان الحل انهم غيروا لهم نظام بيتهم بحيث يكون فيه اوقات بس هم الاثنين حتى لو بس يتفرجون على التلفزيون بس علشان الجو يصير يسمح بس طبعا الحل مو بهالسهوله كانوا بعد يتكلمون مع الشخص الي صايبه البرود ويحاولون يوصل لهم ايش الاشياء الي ممكن تثيره وايش الاشياء الي بالعكس تضايقه ويعطونه جلسات مع اخصائي نفسي علشان يلقى المشكله وسببها

    المهم انه في كل الحالات السبب ماله علاقه فيك انت اذا تكشخين او لا هو يشوفك حلوه بس المشكله في رغبته هو مو رغبته فيك لا رغبته بشكل عام
    كان من الحلول الي يقترحونها تغيير روتين العمليه نفسها وتحاولين تجربين شي مختلف تماما من ناحيه الطريقه مو بس المكان والوقت ولبسك بس لازم هو بعد يكون معترف بالمشكله ويبي يحلها معك
    انت اظن قلتي ان شغله وتعبه فيه هو السبب
    لا تتهاونين بهالشي اكيد الاجهاد يأثر عليه وحتى حالته النفسيه
    علشان كذا اقولك اقري عن الموضوع اكثر بمواقع اجنبيه تعليميه لأنها مشكله كثير ناس يواجهونها ولها حل وطرق بالتعامل معها
    والله يوفقك
  4. @am_rghd_3

    انا رائئي استمرى بسوالة بس باسلوب..
    عليكى بالدعاء باخر الليل واللة فية فائدة باذن اللة...
    انا معك انتى تبينة برضاءة مو غصب عنة فبينى انك زعلانة ومقتنعة انة خلاص انا مو عاجبتك شوف غيرى وابيك تودينى لاهلى ولا ابي اجلس مع شخص مايرغبنى... بس لاتجيبين طارى الطلاق لانة اذا صارت هالالفاظ بحياتكم صعب..انتى تهديد وبس وهو يفهمها اكيد انفصال.. ولا يمنع انك تلمحين لة انة فلانة بهالعرس جت خطبتكى لاخوها. او تخولين ناس تحرشوا فيك او انة تشككينة فيك بس مو لدرجة الشك صح..
    مثلا انا صار لى موقف مع زوجى حسيت بفترة من حياتنا انة تقريبا مش مهتم فى او يغار او يخاف على واى اقول لة يقول على راحتك. انا شكيت بالرغم من انة وقتها يمر بمشاكل بعملة وظروف جدا صعبة وظروف مادية اصعب بس انا استبعدت هالشي.. وقلت اكيد شايف لة شوفة.. وقمت اشككة في مثلا اول ماودة يطلع اسوى نفسي فرحانة طبعا عكس اول. كنت اتظايق لاطلع. واحيانا يفكر ليش فرحانة اسكت تلقينة يخرج ويرجع فجاءة اقوم وانا وقتها اكلم اختى مثلا. واول ما يدخل اقول ياللة فلانة اكلمك بعدين رجلى جاء... هو يموت وسوسة ويجلس يسالنى حتى مرة اخذ التلفون وكلم ردت صديقتى وانحرج مرة قلت لة وش تقصد.. قال لا ولا شي.. تخيلى صار يتصل على على طول ويسال ليش التلفون مشغول.. او احيانا يبي يطلع ومشغول واسوى نفسي فرحانة القاءة مكنسل الطلعة وقال ولا بلاش بقعد او يقول ايش رائك نطلع. وصار يهتم فى اكثر من اول بكثير حتى اذا كنا جالسين جلسة حميمة يسالنى تحبينى واحلفى ماتناظرين غيرى... احسن وس وس واللة مايفيد معهم الا هالحركات ذبحونا...اللة يعينا عليهم...

تابعي تجارب أخرى من هذا القسم.