الزوجات الأوليات حياكم نكمل سواليفنا

الاخت لين
ليش انتي حاسة اننا عدواتك
هذا الكلام مو موجه لك
هي تكلمت عن ضرتها انها كانت تحاول تسبب لها مشكلة وتحاول انها تطلق ووقعت في في شر اعمالها وهي ماجابت سيرتك او عممت على كل الزوجات الثانيات انهن شرانيات
والاخت نور الشمس بينت موقفها هي ورايها هي والي شافته من واقع الحياه وشفناه حنا كثير
جاوبيني بالله ماتعرفين زوجة ثانية تطلقت
يااختي كثير زوجات ثانيات تطلقوا ورجعوا الازواج لزوجاتهم والاوليات وكثير زوجات اوليات تطلقوا بعد ماتزوجوا عليهم ازواجهم
يعني المجتمع فيه كثير من الامثلة سوا لطلاق الاولى او الثانية
والله والله ان وحدة من صديقاتي المقربات زوجة ثانية
طار فيها زوجها اول الزواج وترك ام عياله وهجرها حتى النوم ماينام عندها وهي صابرة ومحتسبة
وبعد سنتين بالضبط رجع لبيته وعيالة والحين مذوق صديقتي الزوجة الثانية الويل ويهددها يبيها تخلعه عشان يبي منها فلوس وهي تحلف مايصير الخلع وتبي الطلاق
والاخت الي تقول لا تكبرين اللقمة وتغصين بها تراها ماكبرتها على قولك والا كان من البداية ماصبرت والي غص باللقمة ضرتها الي ماخافت ربها فيها وانقلب السحر على الساحر

بعدين ترا انتم حساسات كل ماتكلمنا في موضوع صار لنا دخلتوا وهاجمتوا
هذا الملف مساحة لنا نفضفض ونتكلم براحتنا فيه ليش انتم مسوين انفسكم سيوف مسلطة علينا حتى في اجتماعنا
اختي احنا ندخل ملفكم ونشوف كلامكم ومااخذنا موضوعكم بحساسية مثلكم
فياليت الي تبي بس تثير مشاكل وردود وتعمل نفسها محامية عن كل الزوجات الثانيات تاخذ نفسها من قاصرها وتبعد عن ملفنا
والي تبي تجي معززة ومكرمة ونقدها يكون بناء وعلى كلام صحيح فحياها الله تشارك براحتها

ما شالله عليك
قدرتي تحمكين في نفسك وتصرفاتك
انا قصتي تقريبا مثلك زوجي تزوجي يبي عيال
والحين يتعالجون وبيسوون اطفال انابيب
ودي اسألك بعض الاسئلة وجاوبيني
اذكري لي بعض الاشياء الي كانت تصدر من زوجك وانتي تحسين فيها بالظلم وكيف قدرتي تسيطرين على نفسك فيها
وش رد فعلهم تجاهك بعد الحمل والانجاب
هل كانت تحاول تقهرك بالحمل وتدلع على زوجك بهذا الشي
وش موقفك بعد ماعرفتي انها حامل
هل ضرتك تنازلت عن العيال بخاطرها والا زوجك اخذهم منها بالقوة

والله يوفقك ويكتب لك كل خير

^^^^^^^^^^^
الاخت منتظرة الله يرزقك بالولد الباراللي يفرح قلبك ويسعدك عاجلا غير اجل يا رب وبدون اطفال انابيب ولا شي هيك من الله بدون تعب ..........

الغاليه هذاك اول شو اخبارك؟؟؟؟؟؟؟ بحب دايما اشوف ردودك هون ,,,,,,,الله يسعدك ويعوضك خير .......

واااااااااااااااااااااااااااااااو
وش هذا الملف الحلو
صراحة تحمست اشارك معكم.............. ممكن ولا اضف وجهي
اختي وعزيزتي هذاك اول كيفك ؟؟ترا اشتقنا لك وفقدناك يالغالية
المهم كنت شايفة ملفك من كذا يوم
وبنجن ابي اشارك لكن ماقدرت
تدرين ليش ؟؟لأن كلمة المرور نسيتها
واليوم بس تذكرتها >>>>احلفي
ههههههههههه
عاد الله يعينكم على ازعاجي ومشركاتي تقبلوني
وترى ابي اقول شي مهم لخواتي
انتو ليش دايم تظلمون الثانية او الثالثة او الرابعه
والله يما في نسوان اهي الاوله في حياة زوجها وهي الغالية لكن تحط حرتها وتستخدم مكانتها ضد ضرتها
صح انا الاوله بس الحق حق
وكل نفس بما كسبت رهينا
والي نيته زينه بيكسب في الاخير دنيا واخرة

وينك يا هذاااااااااااااااك اول
لا جوال تردين عليه ولا نت تدخلينه
عسا المانع خير
تكفين طمنيني




اختي فراشة الحلوة
الله يخليك ويسمع منك
انتي انسانة رائعة واقولها والله من قلب
واقرا لك كل المواضيع
الله يسعدك يارب
وهيك البنات والا بلا




اختي تناهيت
يامرحبا يامرحبا نورك غطا الكهربا
حياك الله انتي وازعاجك وسوا كنتي زوجة اولى او ثانية او مليون حياك الله بيننا

والله ماكرنا احد ولا نبي نظلم احد سوا ثانية او ثالثه والثانية مرة مثلنا لو كان بيدها صارت اولى
وهذا نصيبها الي خلاها زوجة ثانيه
وعلى المكيدة والله الي تخاف ربها ما تسوي شي ضد ضرتهالان تحط في بالها كما تدين تدان ومن حفر حفرة لاخيه وقع فيها
تصدقين مرة زوجي قال لي كلام
قال ابي اطلق فلانة يقصد الثانيه
انا قلت له هذا شي راجع لك ولها لكن لاتظلمها ان مافيه شي يستدعي الطلاق
وجلست طول اليوم منكدة وافكر فيها لدرجة اني اصلي وادعي لها وابكي
وبالاخير لاطلقها ولاشي بس مدري ليش قال لي كذا
شفتي ترا حنا حبيبات مانبي نضر احد والي يبي المضرة ان شا الله ماتخطيه
وسلامتك