شاركي في النقاش

سجلي الدخول لإضافة تعليق.

التعليقات

38
  1. ابشري بالخير
    العسر معه يسر بحول الله وقوته.


    اوصيك وصيه من كل قلبي وقسم بالله اني اقولها لك من كل قلبي
    وبتجين بإذن الله هنا تبشرينا


    قبل صلاة الفجر اجلسي ع سجادتك واستغفري استغفري استغفري
    تذكري ذنوبك واستغفري. استغفار استغفار استغفار استغفار
    قبل اذان الفجر وخليك ع هالحال اول شي بتحسينه نفسيتك راح تتغير
    اما الخير اللي بيتبعه بإذن الله بيدهشك.


    الوصيه الثانيه لا يفتر لسانك عن الحوقله
    ( لاحول ولا قوة الا بالله ) لا تحول من عسر الى يسر الا بقدرة الله سبحانه ولا قوة لنا الا من الله سبحانه
    استحضري معناها وصدقيني بتلامس قلبك وماراح تتركينها ابد
    كرريها وانتي جالسه وانتي تشتغلين وانتي منسدحه
    بكل بكل احوالك ،
    بالنسبه لحياتكم
    انتي وامك وجدتك انتم ثلاثه. سجلتوا بالضمان الاجتماعي او لا ؟
    يندفع لكم كل شهر مبلغ يساعدكم بأموركم
    اما بالنسبه لصديقاتك. ياختي الصداقه ماتعرف متزوجه او عزبا
    عادي. انا عندي صديقات كذا وكذا.
    تفكير صديقات قديم وماله داعي.
    اسحبي ع قروبهم وتعرفي ع بنات تفكيرهم افضل 🙂🤍
    و وعد مني ماانساك من دعواتي 😘
    وبس احرصي ع اللي وصيتك فيه. واكيد صلاتك بوقتها وبخشوع
    عشان دينك مو بس عشان حاجه معينه


    أسأل الله العظيم الكريم ان يفتح لك الخير وييسر لك الخير
    ويرزقك من واسع فضله ويرزقك بالزوج الصالح والذريه الصالحه♥️
  2. @njm_2

    لنفترض ان ربي ماكتب لك زواج تعيشين كذا على هذي الامنيه او تزوجتي وطلع زوجك مؤذي
    انا مالومك بامنيتك ذي لانها طبيعيه لكن لو ماكتبها الله ولا تمت بتقعدين كذا متأمله ومترقبه للي حولك وقلقه وخايفه من ان العمر يروح وانتي ماتزوجتي
    انك ترضين بقضاء الله وقدره معناتها انك موكله امرك لله والتوكل الحقيقي قد ماهو اختبار قد ماهو راحه نفسيه
    اقولك نصيحه ارفعي يدك لله وقولي ياربي اني رضيت بقضائك وقدر وانت ارحم بي من امي واعلم بالأفضل لي وكلت امري لك
    وارتاااااحي ولاتفكرين لا بزواج ولا بوظيفه لكن كرري دعاء ان الله يكتب لك الأفضل
    اقسم بالله ان ترتاحين لان التفكير والتعلق هو بليه
    احيانا نحب الشي ونتعلق به وهو مو بذاك الاهميه بس لاننا نفكر به نعظمه بعيننا
    ياكثر الأشياء الي تمنيتها وسعيت لها طلعت مو كل ذا وياكثر الأشياء الي جتني بدون تفكير او تخطيط وطلعت احلى شي يمر فيني
  3. الدنيا دار الابتلا معي دار الجزا
    وكويس ان الانسان يفكر بنصفه ال٢ لكن مايصلح الهوس فيه
    رزقك بتاخذينه بإذن الله تعالى
    فما فيه داعي لشديد الحزن


    اكثري من الدعا والرقيه والصدقه لو بالكلمة الطيبه
    واحسني الظن بالله تعالى.
    وخليك هاديه في حياتك عشان حتى الناس ما تجلس تخفف عليك او تهرب منك
    حنا نعيش بدنيا ممكن اي لحظه ماتقومين من النوم
    ممكن تتزوجين ويطلع زوجك سيء
    ممكن تتطلقين ممكن يموت ممكن مافيه انجاب ووووو


    بننهار كذا؟
    لازم الهدوووووء والاطمئنان واذا فيه شي نسويه كثره الدعا والرقيه وحسن الخلق وتغيير مابانفسنا والتوبه من كل ذنب
  4. البنات ما قصروا بالنصائح. سووا قروب متزوجات يمكن ما ييغوا يحرجوك بالكلام عن بعض الأمور، القروب اللي انتي فيه في لسه تفاعل صح. خلاص ماله داعي تزعلي
    اللي قالت لك الزواج مو مهم ولا الوظيفة الصحة اهم. تبغى تهون عليك وخانها التعبير. لو قالت لك الزواج مهم والوظيفة مهمة كان انغثيتي وش تقول بالله!
  5. زائرة

    الله يوفقها ويسعدها يارب العالمين
    نصيحة لك
    أدعي لك ولغيرك
    وكوني باره ب والديك لان من أسباب التوفيق
    وأكثري من الأستغفار والتسبيح
    والصلاة على النبي صلى الله عليه وسلم.
    وليييييه شاااايله هم
    نصيبك ورزقك مكتوب لك قبل أهلك لا يسمونك..
    الدعااااء خليه شيء مهم في حياتك
    ماادري ليه الوحده اذا تأخر نصيبها تزعل وتبي مثل فلانه وعلانه
    لو ترضى وتكون قنوعة وتعيش حيااااتها بسعادة
    وترضى وتتفائل انو ممكن ربي يرزقها واحد أفضل من الي تزوجوا بدري وخلفوا دائما قولي خيرة وربي كاتب لي الأفضل والأحسن
    أنتي صبرتي ومو بيددك شيء
    والزواج رزق مثله مثل الوظيفة
    أهتمي بنفسك وفي صحتك ليش تهلكينها بالتفكير وكثرة القلق
    وبكرا لو جا نصيبك وانت الشيب طلع ولا عاد لك القدرة على التحمل... الزواج مرات تشيلن هم وتقولين ياليتني فاضية وقتها اذا الزوج نذل ولا مو متفاهم وينكد على زوجته وقتها الوحده تقول ياليتني عزوبية وحتى كلام الناس في هالحاله ماعاد يهمها..
    فااادعي الله بالرضا والقناعه
    فليها وعيشي حياتك
    أمورك راح تمشي بتدابير خالق هالكون سبحانه

تابعي تجارب أخرى من هذا القسم.