خطيبي زعلان ايش اسوي

السلام عليكم و رحمة الله و بركاته
صباح الخير و رمضان مبارك عليكم جميعا.
ساعدوني لو سمحتم انا في موقف جدا مو حلو و لا عارفة كيف اتصرف صح، اعتبروني بنتكم او اختكم الصغيرة و اكسبوا فيني اجر في ذا الشهر الفضيل.
خطيبي زعل مني عشان شي يعتبر تافه و المفروض انا ازعل مو هوا
الحين انا بفترة اختبارات مع الجماعة و مضغوطة و كارهة عيشتي و هوا عليه حركات يعني مثلا قلتله انا الصباح انام و الليل كله صاحية يقوم يدق علي الصباح و يطنشني في الليل! بالله لو مو مكاني بتقولون متعمد يسويها ما يبغا يكلم؟ حلو و انا ساكتة ما قلت شي بس يرسلي واتس يدعيلي و احيانا يتواصل سناب معايا و على كلامه انه مرة مشغول هذي الفترة فقلت خلاص ما ابغا اصير نكدية و اعاتب خليني ساكته. المهم عاد قبل امس رسلتله تعليق في السناب من الصباح و عدت يمكن 18 ساعة و لا رد و هو كان مطنشني و ينزل سنابات عادي فاهمين؟ قمت قلت خلاص بسوي نفسه يمكن يحس حذفت الي كتبته له سناب و شفته رسلي دعاء في الواتس و قعدت يوم كامل ما رديت. المهم شافني حذفت قلي ايش حذفتي؟ قلتله و لاشي.
قام دق عليا و صوته زعلان و متضايق قلي اشبك فيك شي؟ قلتله لا وللخ مضغوطة مع الجامعة بس قام قال اجل اشبك ما تردين على اتصالاتي و تشوفين رسايلي ولا تردين؟ قلتله انا الصباح قلتلك انام و بس ذي الفترة متضايقة من الجامعة و كذا. قام عصب و قال وضعنا هذا مو طبيعي و مدري ايش لكن خير ان شاء الله انتي ركزي فدروسك بعدين نتفاهم. قلتله طيب ما تبغاني اقولك ايش مضايقني قال براحتك وللهز
قلتله لا تقفل تكلم بالي مضايقك انت قال السالفة مطولة و انا مشغول الحين بعدين نتفاهم. و بس اول مرة يتكلم معايا بذي الطريقة و اخاف ذا الشي التافه يأثر على علاقتنا.... ايش اسوي انصحوني امانة اكلمه؟ ادق عليه؟

23 تعليق 6,791 مشاهدة

شاركي في النقاش

سجلي الدخول لإضافة تعليق.

التعليقات

22
  1. @sihamss

    انا اقول ما راح تقدرين تركزين على دراستك وهو زعلان من جهه بتظلين تفكرين هو غلطان وانا غلطانه
    من راي ترسلين له رساله تشرحين فيها كل شيء ...
    الامتحانات كلها كم يوم وتعدي
  2. @ktaa_skr_21

    لاتدقي ولاتدققي
    انشغلي باختباراتك وبطلي تراقبي الجوال اتصل والا رد والانزل سناب والا ماعلق
    مو لازم يدق ويسال وانت الان اختبارات ورمضان اتصل ورد اهلا وسهلا مااتصل ماخربت الدنيا خليك ثقيله يختي رسلتي رساله خلاص لاتقعدي تراقبيه متى يفتحها وان مافتحها حذفتيها اذا ماعندك صبر لاعاد ترسلي شي
    ركزي في اختباراتك لاحقه على المشاكل الزوجيه
  3. @wev

    صاحبة الموضوع
    siham.s.s
    انا اقول ما راح تقدرين تركزين على دراستك وهو زعلان من جهه بتظلين تفكرين هو غلطان وانا غلطانه من راي ترسلين له رساله تشرحين فيها كل شيء ... الامتحانات كلها كم يوم وتعدي
    طيب اخاف اذا ارسلتله ما يرد و اتضايق زيادة لأنو ما رد... ولله متضايقة مرة
  4. @wev

    صاحبة الموضوع
    قطعة سكر 🌺
    لاتدقي ولاتدققي انشغلي باختباراتك وبطلي تراقبي الجوال اتصل والا رد والانزل سناب والا ماعلق مو لازم يدق ويسال وانت الان اختبارات ورمضان اتصل ورد اهلا وسهلا مااتصل ماخربت الدنيا خليك ثقيله يختي رسلتي رساله خلاص لاتقعدي تراقبيه متى يفتحها وا…
    طيب الحين هو زعلان ايش اسوي؟
  5. @amm_mrzok

    ياعمري انتي الي اشوفه عشان ماتشتغلي وتفكري اتصلي عليه ولاتكلمي بالموضوع ع طول سولفي معاه وتطمني عليه بدون فتح نقاش اذ شفتي انو الى الان متضايق افتحي معاه الموضوع وقولي كلها يومين اختبارات وافضي لك وبتلاقين ع طول موجوده متى ماتتتصل عشان مايحس انك ماتبغيه وبعد هالمكالمه ركزي ع دروسك وخلي الجوال بعيد عنك

تابعي تجارب أخرى من هذا القسم.