بيوت مسكونه

عاد هاذا جوي الررررعب 👻👻👻💀👹👹
عندي قصص مرعبه كثيرة بقولها على مراحل صارت لي او لا قاربي
في بيت اهلي يوم كنا صغار خواتي يشوفون امي في الحوش وينادونها يممماه ويلحقونها وتروح تدخل المخزن اللي في الحوش ويطلون فيه مايلاقون احد
وانا بعد زمان الصباح تجهزت ولبست مريولي بنروح للمدرسة واخواتي باقي فوق يلبسون وامي تمشطهم وانا جالسه على اخر درجه تحت انتظرهم وجنبي باب الحوش مفتوح واشوف خواتي في الحوش بارواب البيت عصبت عليهم قلت يالله للحين مالبستو مرايلكم ويضحكون ويركضون واسمع غوايشهم الذهب بيدينهم تقرقش والحقهم
ويرحون لحوش الرجال بسرعه واروح وراهم وادور ورى الشجرة وفي الحمام مالقيت احد
وارجع ادخل للبيت الا خواتي توهم نزلو من فوق
يعني اللي شفتهم في الحوش بسم الله علينا مو خواتي😧😧👻

بسم الله الرحمن الرحيم

انا زمان في بيت اهلي كنت اصلي في الحوش بالليل الوتر

واسمع صوت رجول احد يمشي ويسحب رجول وكل ماله يقرب صوت لجهتي

وانا مستقبله القبله

والله قطعت صلاتي التفت مافي احد 🥲

وكانت في قطوه تناظر

والله اشيل سجادتي واطلع لغرفتنا
على بالي بغير
واصلي بالحوش

ياحبي لك
لقيت من يصلي بالحوش مثلي
انا مرتبه مكان تحت النخيل بالحوش صار لي سنيين اذا جا الليل اصلي واظل ادعي لاذان الفجر بالذات في رمضان احس بالطمأنينة اشوف السما والنجم ونسمة هوا بارده
لكن احيان اخاف اذا مر قط جمبي ولا شجرة السدر طاح ثمرها على الخشب وعمل صوت افز وانا اصلي ربي يغفر لي ... هاه يابنات من فيكن بعد تصلي بالحوش

بيت ابوي القديم الظاهر كان مسكون
بعد وفاة اخوي الله يرحمه امي تقول اسمع وحده تقرا قرآن وتشهق طول الليل وامي عميا وهذاك الوقت ماعندها خادمه وانا توي متزوجه وطالعه... وابوي متوفي واخوي الثاني غرفته بملحق في الحوش يعني مابه حريم
صادني الفضول اسألها من وين يجي الصوت تأشر على زاوية الصاله بين الكرسيين... اتصلت لزوجة شيخ دين اقولها وش اسوي قالت لا تسوين شي هذا مكانهم ( عمار البيت) وان جبتي شيخ يقرا حتى يطلعون ممكن يأذونك فخفت مصريه هالحرمه
وماشالله فاهمه في الدين
ومره في بيتي حلمت كأنه بين الحلم واليقضه وحده واقفه عند سريري تقولي فلانه ترى فلانه توفت ( وحده من الاهل شابه ومريضه ومابيني وبينهم ذاك الوصل؛)
وبعد اربع ايام اظن جا زوجي من صلاة الظهر ينادي من تحت يقولون فلانه توفت وبنصلي عليها العصر
والله يابنات خذت الخبر بهدؤ وسكت لاني ادري
هذي الي جت وخبرتني اكيد من عمار البيت او مرسول
شابه وبيضا عليها عبايه وحجاب
ومره عند اذان الفجر فزيت كنت احس احد يتنفس باذني وزوجي اسمع سيارته توه طالع للصلاه... فزيت يابنات حتى السرير من ناحيته ارتفع مثل الي لما تجلسي عالسرير وتقومي يتحرك... فهمتوني يهبط ويعتدل فحأه ان كان احد عليه وقام فحأه كأنه هارب
من يومها مستحيل اذا راح زوجي الصلاه وانا صاحيه اقدر انام مستحيل ... اجلس بالصاله لين يجي او اروح الحوش اصلي واستناده برا ... واستحي اقول لعيالي اخاف انام بالظلام وان صار لي ذاك الموقف
وكثير يجيني الجاثوم واظل اقرا قرآن لين يفكني
مع اني مصليه واقيم الليل واقرا قرآن وادعي
وسلامتكن

السلام عليكم ورحمة الله وبركاتة


اول شيء وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ (56)

ثاني شيء الجن فيهم الصالح وفيهم الطالح مثل الإنس فيهم الصالح والطالح

ثالث شيء عليكم بالسورة البقرة +(ملح +ماء +اوراق السدر) تغلسلوا فيه وغسلوا البيت +الاذكار +المعوذات


لا اله الا الله محمد رسول الله