اذا تحبينها لا تحرجينها.. !

-
صبـاحكم رضـا وراحة بنااات ..🌷
بنات لاحظت شيء فمجالس الحريم وحبيت اتكلم عنه لانه صدق يقهرني..
مرة كان فيه جمعة حريم فوق الـ ٨ حريم.. ووحدة منهم متأخرة فـ الانجاب لها أكثر من ١٠ سنوات وربي مارزقها إلى الآن..
الحريم كانوا يتكلمون انهم يبغون يزورن وحدة والدة ..
بعدين تجي وحدة تقول بصوت عالي.. "عقبااالك يافلانة نقهويك بولادتك" < تقصد المتأخرة فـ الإنجاب..
المسكينة تنحرج ويتغير وجهها وتحس انها مُثيرة للشفقة..
وفـ مجلس ثاني كان فيه وحدة متأخرة بالزواج فتقوم وحدة تدعي بصوت عالي أمام الملاء الله يرزقك يافلانة ونفرح فيك..
ليش يابنات هذي الحركة!
أعرف انها ممكن تكون بحسن نية..
لكن انتِ إذا تحبينها صدق وتتمنين لها الخير افرشي سجادتك آخر الليل وادعي لها بـ ظهر الغيب!
لاتحرجينها قدام الناس .. وتذكرينها بـ الشيء اللي ناقصها وتحسسينها انها مثيرة للشفقة
وترى هذا مو من آداب الدعاء..

22 تعليق 3,790 مشاهدة

شاركي في النقاش

سجلي الدخول لإضافة تعليق.

التعليقات

21
  1. فعلاً صادقه حتى الي عندها اولاد يقولون الله يرزقك بالبنات وتذوقي حنيتهم من هذا الكلام أو العكس تحبيني ادعي لي بظهر الغيب
    وحده اعرفها تأخرت بالحمل إلي يقول لها الله يرزقك قالت يضايقوني وأكرهم نفسياً تعبانه ابغاهم يسكتو مالهم علاقه فيني ينشغلو بنفسهم
  2. @memaz1997

    ذكرتيني اول دخله لي بعزيمه الحموله
    سوالفهم كلها عن الحمل والي حملت بالغلط ولا الي تبي تحمل وكل السوالف وعيونهم علي استغفرالله بس
  3. @newmum

    صاحبة الموضوع
    ورد مالك 💞
    فعلاً صادقه حتى الي عندها اولاد يقولون الله يرزقك بالبنات وتذوقي حنيتهم من هذا الكلام أو العكس تحبيني ادعي لي بظهر الغيب وحده اعرفها تأخرت بالحمل إلي يقول لها الله يرزقك قالت يضايقوني وأكرهم نفسياً تعبانه ابغاهم يسكتو مالهم علاقه فيني ين…
    -
    شفتي شلون كرهتهم !
    اللي يحبك بيدعي لك بظهر الغيب..

تابعي تجارب أخرى من هذا القسم.