بأمانة اللي يسونه يجيب نتيجة!!؟

الباتل وفوز الفهد كلهم كان مستواهم متوسط او اعلى من المتوسط بشوي ام الباتل كانت تبيع بسوق شعبي بهارات آو جلابيات وفوز معروفه بدايتها صح اشتغلوا على نفسهم كثير عشان يصولون للمكان هذا ومايعتمدون على الزواج لكن بنفس الوقت هم أخذوا بالاسباب ونجحت معاهم، طيب حلو كلامك لكن ماتشوفين ان البنت اللي مستواهم متوسط المفروض ماتحاول ترفعه؟ فيه اللي يحاولون بالتجاره والشغل وفيه اللي يحاولون بالزواج وفيه اللي طبقوا الاثنين المهم ماتجلسين بنفس مكانك وترضين بالاقل

هو دخولك للدائرة فعلا يرفع من نسبة الزواج منهم بس مو أكيد، الطريقة ضحكتني شوي لأنه مكلفة لكن اشوف انه شي وارد ومعقول جدا في نظري، هو نفسه الترزز في الافراح وللاقارب والمعارف اللي معاهم شباب كويسين بس الفرق انه في اماكن راقية
ههههههه ليش ذاك مقبول وذا مرفوض!
اللي معاها المادية تجرب منها تتمشى وترفيه وفي نفس الوقت تبحث عن النصيب..يمكن تخيب يمكن تصيب مثل ماقلت لك زي حضور الأفراح

-
شوفي قد يكون كلامك سليم عن الباتل والفهد لكن احنا بالنهاية مانعرفهم شخصياً هم شخصيات عامة..
انا لمَا رفعت استحقاقي لـ ذاتي ما قصدت المادة اولاً..
رفعت استحقاقي بـ ذاتي بـ اني استحق الإحترام و استحق افضل معاملة على الإطلاق..
استحق الحب والتقدير لأني فعلاً شخص محبوب..
هذي الأفكار قدرت أوصلها لـ الأشخاص اللي حولي بـ طريقة غير مباشرة..
فكرة ارفع استحقاقي واشوف نفسي أستحق ارتبط بـ شخص من نخبة المجتمع ما اقتنعت فيها تماماً..
لكن يمكن لو أشوف قناة البنت اللي ذكرتيها اقتنع.. 😅
لأني انا مقتنعة تماماً إن تقدير الناس لـ الشخص هو نفس تقديره لـ ذاته..

اكيد تحتاجين تطورين من نفسك ويكون لك دخلك الخاص انا ماقول خلي الزواج مصدر دخلك الوحيد، لكن عشان توصلين للطبقه الغنية تحتاجين احد يدعمك فيه اللي اتجهوا للسوشال ميديا وفيه اللي اهلهم دعموهم وفيه اللي الزواج من ثري فتح لهم باب الرزق وفتحو لهم مشاريعهم الخاصه باختصار تحتاجين دعم اما انك تجلسين على وظيفتك العاديه وتقولين بعتمد على نفسي من هنا لخمسين سنه ماراح توصلين للمستوى العالي هذا الراتب لوحده مايكفي وانا ذكرت طريقه من ضمن طرق كثيره وفعلا كل شخص يختار الطريق اللي يسعده

أفنان مستواهم عالي من قبل الانستقرام والسناب شات ومن قبل لا تتزوج
أذكر معرفها بالاقلاع كانت تصور رحلاتها السياحية لفرنسا وغيرها وكانت بداية الالفيه
أيامها كانت تدرس بالجامعه وما عمرها باعت بسوق شعبي