امي بتعقد اختي !!

امين يارب العالمين . صحيح الجمال نوعين . جمال شكل وجمال بالأخلاق
وخلج واثقة من نفسج لانه الله خلقنا على اشكالناولا مرد له . والعمليات وذي السوالف والله ماله داعي ياختي اله اذا في علاج من عيب خلقي. والله اعلم

والله ماهي مثاليه هذا اللي مقتنعه فيه طيب بتقنعيني طوال حياتك ماشفتي سمرا جميله؟ بكل مدرسه بكل جامعه بكل زواج بتلاقين الجمال اشكال وانواع وشفنا السمرا الجذابه والحنطيه الفاتنه والبيضاء الناعمه الحمدلله نشوف الزين وين مانروح و لو انكم اصغر اعذركم واقول بسبب تعامل امكم معاكم لكن انتم كبار خلاص المفروض وصلتوا لعمر تفرقون فيه بين الصح الغلط عززو ثقتكم بنفسكم تابعوا سميه الناصر حاولوا تتعالجون من الالم اللي امكم سببته لكم وقتها بترتاحون وحتى لو استمرت تقارنكم بغيركم على توافه الامور انتم نفسكم بتستصغرون كلامها ولا يأثر فيكم بالعكس بتضحكون عليها لان ثقتكم بنفسكم عاليه مايهزها شي ولا تنتظرون استعطاف ومدح منها

الحين تركتو الموضوع ومسكتو على كلمة سودانيه !
موضوع البنت واضح تشتكي من اسلوب امها
وتبغى الحل

طيب اول شي خلينا نتفق ان الشكل والاناقه مالها علاقها بالجنسيه
انتي تزعلني ان امك حاقرتك وانتي حاقره انسانه ثانيه بس لان جنسيتها مختلفه او متوقع انها شينه
انا مالومك لان هالكلام صادر من شخص متعرض لهذا الاسلوب على مدار سنين وصرتي تسوين نفس امك بدون ماتحسين


صدقيني امك نفسيا مو طبيعيه يعني عندها عقده لان الام تشوف ضناها احلى الناس بغض النظر عن شكله
اجلسي معها جلسه هاديه وصارحيها وناقشيها لاتحاولين تصححين وجهة نظرها بشكلكم بس ناقشيها عند التحطيم والأحباط الي معيشتكم به
قولي سوا كنت حلوه او شينه كلامك هذا مايسوي شي لنا غير التحطيم يعني مافيه فايده ابد
عادي عندك انك تخلقين ببناتك عقد نفسيه؟
عادي عندك انك تكونين ام سببت لبنتها قلة الثقه بالنفس بشي مالهن ذنب به؟
عادي عندك انك ليل بنهار تذمين بخلقة الله لنا
انا ابي لحد قال لي انتي شينه اجيك ارمي راسي بحضنك واشكي لك همي وانتي توعيني وتنبهيني ان خلقة الله جميله وان السالفه إختلاف أذواق فقط انتي امي الي دورها تقويني وتقوي ثقتي بنفسي مو تحطمني
لو شايفتني شينه اكذبي علي قولي انتي جميله لان الجمال بالقلب مو بالشكل ولا الشكل بيشيب الانسان ماراح يبقى منه غير جمال قلبه
فهميها فهميها
امك بحاجة انك توعينها هي ممكن تجهل بس انتي صرتي تعرفين اذا انتقدت شكلكن انتقدي انتقادها
علميها كيف تحبكن
نبهيها ان الشكل شي نسبي ولا هو مقياس ولا ماتزوجت شينه
نبهيها ان الانسان الي يعيش هو القوي مو الجميل والقوه ماتجي لشخص امه الي يفترض انها مصدر قوته تحطمه

ترى مالومها الشخص الي متعرض لضرب من كان صغير يضرب لكبر
والي يتعرض لكثرة النقد وهو صغير يكثر النقد لكبر
والي يتعرض لتنمر من كان صغير بدون وعي يتنمر اذا كبر
والي متعرض لتحطيم يحطم لكبر
وهذا الكلام من اخصائيين نفسيين
لاتتوقعين من شخص ينظر للامور بنفس منظورك وهو معاش نفس ضروفك