امي بتعقد اختي !!

بنات اقسم بالله العظيم مو قصدي عنصريه افهمو
بنت السودانيه هذي لها سنين بالسعوديه
وكل ماكلمنا امها تجينا نلزم عليها تجيب بنتها
وعندي بنتها بالسناب ودايم تلكمنا يعني معتبرينها وحده منا
امي قالتها باهانه لاختي امي دايم تحوم كبدها
من الجنسيه الافريقيه والسودانيه لدرجه ماتاكل
من يدينها ولا تشرب منهم شي تقول ارجع انقرف
حتى لما راحت امي تعزي هذي السودانيه بوفاة زوجها اخذه قهوتها معها متخيلين !!
وحتى لما كنا مسافرين دخلنا مطعم وكان الشيف فيه
افريقي امي رفضت تاكل تقول وع اسود !!
وجلسنا حنا ناكل وهي اشترت من مكان ثاني
وهذي ياقلبي النقاشه كل ماجتنا تجيب معها اكله
سودانيه مره كمونيه واشياء كذا او معمول امي لما تطلع
ترميهم امي قالتها لاختي باحتقار امي حتى نفسها
حاقرتها بس تعالو شوفو كيف تعامل للناس زي العبده
عند الناس من ناحيه التقدير والمدح والدلع للناس
ولما يجي الشي لاهل بيتها تنقلب تطلع انسانه ثانيه
يعني لو امي طبعها كذا كان قسم بالله اكلنا تبن واسكتنا
امي بس علينا ماتشوف بناته شي حنى اختي بالثانوي
عقدتها تقارنها ببنت عمي احلى منك احسن منك
ابرك منك اسنع منك اختي هذي شبه منعزله حتى عنا
ولما نرد على امي تزيد تحسبونه تندم او تسكت
لا تشوف نفسه صح بكل شي
ماهمني نفسي انا كل همي خواتي جد جد
صرت ارحمهم مابي يتاثرون ولا ابي تنكسر ثقتهم
خاصه اختي اللي بالثانوي توها مراهقه ونفسيتها زفت
من امها للعلم امها نظامها تجدع الكلام
وياويلكم تزعلون او تحاسبوني او تطلعوني غلطانه
اعرف كثير رمت كلام عليهم بس مو عن اشكالهم
لا عن اطباعهم وانقطعو عنها سنين وحاولت امي
ترجع لهم لكن هم رافضين اخذين موقف منها
لدرجه جت وحده من اللي امي جرحتهم
بالواتس لي قالت قولي لامك لاتزعجتي بالاتصالات
خلاص مابيني وبينها شي واللي بلقلبي لها هي مسحته
بكلامها لي وامك ترمي للكلام ولا تميز تحسب كل الناس بيتحملون طبعها
اتذكر تفشلت
مدري وش ارد على الحرمه لما جتني هالرساله

طبيعي الامهات بس يتحلطمون على بناتهم يعني امك مهي اول ولا اخر وحده كذا !!
ماله داعي العنصرية وتستنقصين من جمال وحده عشان جنسيتها ولا لون بشرتها ترى كل هذا من كبائر الذنوب كان ودي اساعدك واواسيك بس شماتتك على خلقة الله اللي مالها اي مبرر كرهتني فيك وبيّنت لي قد ايش انك عنصرية وتناظرين للناس بهالنظرة الفوقيه.. الله ماراح يوفقك لو انك على حركات المبزره ذي

حتى لو.. تعرفين ان امك غلطانه والمفروض تنبهين بالبدايه

الله يهدي امك
بس صراحة استفذتني كلمة سودانيه
ليه مالهم السودانيات
اللون الاسمر موجود في كل قبيلة وكل دولة في بقاع الأرض
عادي تكون سمراء وملامحها جميلة
لكن انتي واختك لما امك مدحت حسيتو كأنها نقصت شي منكم ربنا يهديكم
العنصرية ما زالت موجودة عند بعض البشر

ما اقول الا ربنا يصلح امك
شنو اسود وشنو عبد كلنا عند الله سواسية
رب كلمة تهوي بصاحبها سبعين خريفاً في لا يلقى لها بالا

والله لو في كنت محل السودانية ما ادخل بيتكم هي تجي بكل صدر رحب وطيبة قلب مفتكرة امك مثلها
لكن الله المستعان