امي ماكانت كذا مادري ليش تغيرت الحين

السلام عليكم ورحمه الله وبركاته امي غريبه عجيبه لاحظت فيها تغير بشخصيتها بشكل كبير صارت تهاوش وتزعل من اتفه شي وتدعي على وإذا شافت بيت وحده من صديقاتها حلو تجي تهاوش ابوي وتدعي عليه إلا لازم نهد البيت من اول وجديد ونبنيه بالرغم من أننا تونا خلصنا من ترميم البيت وبصراحه ما اكذب عليكم بيتنا حلو وجميل بس صغير في رمضان غيرنا الكنب تخيلو الحين تقول لازم تغيرون الكنب طيب تونا غيرناه برمضان 🤕 تقول ليش بيوت صديقاتها حلوه وهي بيتها مو حلو وليش صديقاتها عندهم حوش كبير وهي لا ليش ليش ليش اقسم بالله انها تعبتنا مو مقتنعه بأي شي حتى ملابسها تقول مو حلوه اقسم بالله العظيم يا اخواتي اني طلبت لها طلبيه جلابيه مناسبه لكبار السن سعرها 600 ريال ماعجبتها ورمتها 🥺 تقول لا جلابيات صديقاتها حلوه نزلت انا وياها المول تتفرج ماعجبها شي اللي عند صديقاتها يعجبها فقط وصار كلامها وسوالفها كثير ماتسكت حتى تقعد تكلم بالجوال 8 ساعات وأكثر ماتخليني انام اقعد معاها اسولف على طول تهب فيني وتقارني بفلانه وعلانه ماكانت كذا ابداً شوفو الحين قاعده تحاول في ابوي انه يهد البيت تبي زي بيت صديقتها 💔 تعبت والله

29 تعليق 5,127 مشاهدة

شاركي في النقاش

سجلي الدخول لإضافة تعليق.

التعليقات

28
  1. امك تعاني من فراغ كبيييييير وماعندها شي يشغلها غير الناس مافيه الا انك انصحيها بالقناعه وانا مهما تسوي مارح ترضى طالما عينها برا
  2. @zhr_alsosn_2000

    عطيها قصص الأولين في اليوتيوب خليها تشوف كيف الفقر .سجلوها بحلقة .خلوها تقلل طلعات
    الله سبحانه وتعالى وتعالى يقول للرسول صلى الله عليه وسلم ولاتمدنا عينيك الى مامتعنا به ازواج منهم زهرة الحياة الدنيا
    هالكلام للرسول صلى الله عليه وسلم وقبل أربعة عشر قرن الدنيا غبار وطين كيف الان
    كل شي يبرق ويأخذ العقل
    اشغلوها بمحاضرات وندوات

تابعي تجارب أخرى من هذا القسم.