صباح الخير امهات
انا بالاسبوع ٢٦ ، سويت تحليل شراب الجلكوز وصار فيني سكر حمل الحمدالله على قضاءه وقدره
الي مرت بهالتجربه كيف كانت؟ وش نصايحك ؟ وكيف كانت حميتك ؟ وبعد الولاده ثبت معك سكر ولا راح ؟ كيف كان وضع البيبي بعد الولاده؟ هل اصبتي بسكر حمل بالحمل القادم برضو ؟
ابي تفاصيل تجربتكم وابي اعرف كل شي عن هالمرض
من يوم دريت الى الا الحين وانا في مرحله صدمه وهم مايعلمه الا الله يارب اني استودعتك بنتي فحفظها وتمم لي الحمل على خير
هذا حملي الثاني والاول الحمدالله ماجاني
بانتظار ردودكم
شاركي في النقاش
سجلي الدخول لإضافة تعليق.
التعليقات
20- عادي ياقلبي الكل يجي بس بسيطه اهم شي انتبه لنفسك وغذاءك وحاولى تبعد عن السكر في اكلك وتسو حمية وحتى يعد الولاده كملي عالحمية انه تبعدي عن السكررر وخلاص بيروح اذا حافظتي على اكلك الخالي من السكريات
- قريبتي جاها في حملها وسوت الحميه انه تبعد عن السكريات حتى العصاير اللي فيها سكر والحلا بعدت عنه والحمدالله ولدت وولدها وهي مافيهم الا العافيه وكمان مرت اخوي بكريه وجاها عالثامن ضغط والحمدالله اهم شي تحافظين وتسوين الحمية وقدامك العافية ي قمر
- ولدو طبيعي ولا قيصري ؟ في حال متابعه السكر ووضع البيبي تمام ؟ ولا بكل الاحوال قيصري لسلامه الجنين؟
- عزيزتي لا يضيق صدرك ولا تشيلين هم سكر الحمل صار يجي لحوامل كثير . اذا قال لك الدكتور بس تتبعين حميه فإن شاء الله بسيطه . اهم شي ابتعدي عن الكربوهيدرات والسكريات يعني حاولي تخففين من اكل النشويات هي اللي ترفع السكر وطبعا العصاير استغني عنها بأكل الفاكهه افضل . مو معناته انك حميه فا ما تاكلين انتبهي انتي محتاجه غذاء.
بالنسبه للولاده مو شرط تكون قيصري بيعتمد على حسب حالتك وعلى حسب وضع الجنين .
اهم شي نفسيتك لا تتضايقين وادعي ربك بالولاده السهله - الله يبعد عنكم كل مكروه
توني احس بمرضاء داء السكري الله يشفيهم ويشفيني ويشفي جميع مرضى المسلمين
بعد الاكل بساعتين يرتفع مره فوق ٢٠٠
وبعدها بخمس ساعات يهبط مره يجيني دوخه ورجفه لمن اقيس يطلع ٦٠
مواضيع مشابهة
تابعي تجارب أخرى من هذا القسم.