💌التجمع (2️⃣7️⃣) لحوامل🍼مواليد يوليو واغسطس 2021

لازم نفهمهم .. ونحاول نزرع القناعة داخلهم انه ما نقارن حياتنا بحياة الناس .. لأنه بنتي الكبيرة دائماً هذي الكلمة على لسانها .. قولتلها اسمعي ي ماما شوفتي المشاهير الي تشوفيهم وكيف حياتهم أو مثلاً قريباتك .. قالتلي ايوا .. قولتلها مافي حياة كاملة لأي شخص في الدنيا والمشاهير دائماً بيظهروا الجانب المشرق من حياتهم فقط .. وكل شخص عنده نعم وأرزاق ممكن ماتكون عند غيره .. شوفي النعم الي عندك ولا تقارني حياتك بحياة أحد وحتكوني مبسوطة .. في أطفال رزقهم ربي بأم قريبه منهم وفي أطفال رزقهم بأهل عندهم فلوس كثير ويقدروا يشتروا لهم كل شيء غالي وفي أطفال اهاليهم يخرجوهم كل يوم وفي وفي وفي وفي .. لكن لكل واحد فينا في شيء ناقص في حياته يكتمل بالقناعه اذا اقتنع عاش مرتاح ومبسوط ولو ما اقتنع حيصير قلبه أسود من الحسد ومستحيل يكون مبسوط وسعيد في حياته .. دائماً تمني الخير لغيرك وركزي على نفسك وحياتك .. فتتجاوب معايا وخفت كثير عن أول من ناحية المقارنات وكدا الحمدلله ..

اي والله بيتزوجون 🥺الله لا يفرقهم عنا😭
لازم نستمتع معهم قدما نقدر ، كلامك كله عين العقل
وعليك بالدعاء بعد
دعاء الوالدين مستجاب

موستيلا اشتريت الي احتاجه فقط مااشتريت المجموعة كاملة .. وكمان عندك سيباميد كويسه برضوا ..

فعلاً صح كلامك الأصغر أسهل .. لكن حاولي وجاهدي وترى أنا كنت زي بناتك الكبار .. تعلمت على الانترنت من عمر ١٥ سنة وصرت جداً انطاوئية وأعشق الأنمي وأحمل من المنتديات ناروتو وون بيس وكدا .. بس ممكن وضعي مختلف لأنه كنت أعيش لوحدي مع أمي وأبويا فقط .. وأهلي كبار في العمر فلجأت للانترنت من يوم أصحى الين أنام وكنت أروح المدرسة مواصله 😂 .. فبعد ما كبرت وصرت أم .. ماعاد ابغى بناتي يعيشوا كدا وأحاول أتجنب أغلاط مراهقتي وماأشوفها في بناتي إن شاء الله .. هو الانمي موش غلط .. والتواصل مع بنات بعمري موش غلط .. لكن الغلط انه يكون وقتي كله على هذي الأشياء ..

فعلاً ذكرتيني بالدعاء لهم 🥺♥️ الله يجزاكِ خير ويصيروا بناتك زي ماتتمني يارب ويسهل على كل أم تربية أطفالها ويرزقنا برهم وصلاحهم يارب ..