آآآآآآآآآه بموت قهر علي العمر اللي راح هدر

عزيزتي الله يعينك
ان شاء الله عمرك ماراح هدر
وياقلبي لازم الوحده اذا اخذت معدد
تحط ببالها ان الرجل ماراح يكون لها
لوحدها..
واحتمال يكون فعلا تزوج يأدب زوجته..
حبيبتي زوجك طبيعي بيبان حبه لك من تصرفاته
واتوقع يحبك لكن لابد يراعي ام عياله لو علشان
العشره والعيال حتى لو كانت ما مريحته.
اختي اذا كانت زوجته لها ظروفها الصعبه اللي تمر
فيها الحين..فراعيها واعرفي ان ربي بيسخر لك على
مراعاتك وتفهمك..
الغيره طبيعي تكون موجوده ماحد يلومك..
اللي يحدد المشكله ويجعل منها فعلا مشكله هو:
قيامه بحقوقك وواجباتك والعدل بالمبيت والنفقه وغيره..
اذا كان غير عادل وظالم لك او لها هنا نقول فيه مشكله ولازم تنحل.
الحين تقولين زوجته توفى ابوها..وغير انه عمه طبيعي بيوقف جنبها
انتي لو كنتي بمكانها من غير شر عليك اكيد تتمنين موقفه هذا معك.
الله يسخر لك ويوفقك.

عزيزتي ...

قبل كل شي ادعي ربك يسخره لك وان يطرح حبك في قلبه ويعدل بينكم

أولاً: المفروض مهيئه نفسك إن زوجك مو لك كله .. وأسبب إنك عارفه متزوج وعنده أطفال

ثانياً: حكم عمل زوجك نفس مكان سكن الزوجه الأولى ... لابد يقضي الوقت الأكبر عندهم

ثالثاً : ليه دائماً يكون بتفكيرك إنه اذا زعل معاها يكون معاك .. وإن تصالح وياها يرجع لها وينساك ...

شيلي هالفكره من راسك علشان تقدرين تتصرفين لان هالفكره تثيرك وتخليك تقلين العطاء لزوجك

ذكرتيني بنقاش حصل عن الزوجه الثانيه وكان في ردود عنيفه لزوجه الثانيه .. إنه تهدم بيت عائله وتفكر بسعادته ولا تفكر بتعاسة الزوجه الاولى ....
لكن كنت من المؤيدين ان المرأه تكون زوجه ثانيه ... ولأسباب كثيره حكم ان الرجل يكون ناضج واعي بأمور الحياة الزوجيه ويبحث عن الاستقرار والسكينه في الزوجه الثانيه
وليس لها ذنب الزوجه الثانيه بمشاكل الزوجه الأولى ..

من وجهة نظري ...

المفروض يكون تصرفك حكيم في مثل هالمواقف ..

إنتي رضيتي تكونين زوجه ثانيه ... والزوجه الثانيه لابد تحط في بالها له الحصه القليله من وقت الزوج.. خاصه اذا لديه أطفال .. طبعاً مو كل زوجه تاخذ القليل لكن في زوجات ملكوا ازواجهم بتصرفهم وحكمتهم وخذو الوقت كله وباله وعقله لكن بحبهم له

نصيحتي لك عزيزتي

لاتضعين فرصة سعادتك مع زوجك عندما يحضر لكي ... حاولي ان تكونين له الام الحنونه في وقت زعله مع زوجته وتحاولين لاتثيريه على زوجته الاولى وقولي الكلمه الطيبه ... وحاولي دائماًً إن اطال المكوث لديك ان تذكريه بأطفاله من الاولى وطلبي منه يتصل بهم يطمن عليهم ... لاتحرمين أطفاله منه لكي لايهمل أطفالك والأعمال بنيات يالغاليه

أعتبري زوجه الاولى انها أختك وإنها تعيش بمشاكل مع زوجها ... كيف تكون نفسيتها ؟ وكيف يكون وضعها معا ؟ .... وكيف شعورها عندما تخلى زوجها عنها وتزوج عليها ... سوف ترحمينها ولاتحاولين تثرين زوجك عليها ...

عزيزتي بيدك كل شيء من رضى بالقليل الله يبارك في حياته ...

أرضي بالقليل ... لكي يزيد عطائك لزوجك

والله عندي أحساس وانتي أعلم به ... إن حبك لزوجك لايقل وأن شوقك لزوجك دائما ًيزيد .. وأسبب غيابه عنك وأنتظارك ليالي بشوق ولهفه ... وعند حضوره لك تملكين الدنيا ومافيها ..

والله الموفق :)

زوجك مثل ماقلتي اناني ويحب نفسه وتوقعي مثل ناهو يقولك كلام حلواذا زعل عليها انهيسوي بالمثل اه من ارجال الله يكون بعونك ويفرج همك

ادعي ربي يسخره لك ولا يجعله ظالم
الرجال يشيل في قلبه اربع مو وحده يعني يحبك ويحبها

اسمحي لي اعطي راييي لو اني مب معرسه

شوفي اختي الزوج الأناني ما استوى بهالأنانيه
إلا لأنه لقى اللي تعطيه اللي يباه من مشاعر واهتمام
على حساب نفسها ومشاعرها، وفي نفس الوقت يوم يغلط تزعل منه
شويه وتسامحه على طول وتصدق كل اعذاره
وكل مره يعيد نفس الغلطه او الجريمه احيانا ويلقى نفس
رد الفعل.......... ليش عيل ما يستوي اناني؟؟

الزوج مثل:04: الطفل ومثل ماقالوا اخواننا المصريين
ابنك على ما تربيه وجوزك على ما تعوديه...
لو اني اختي اشوف ان بعض الازواج هم اللي يبون
تربيه وإعادة تأهيل من اول ويديد:hahaha:

ما أقول لج يوم بيرد بإذن الله تسوين وياه مشكله
عوده (تأكدي انه بيسير لحرمته وبيلعب عليها مثل
ما يلعب عليج وبيقول لها انج الغلطه اللي غلطها)
عامليه بطريقه زينه ولا تمنعينه عنج ...بس لا تعطينه
كلللللللللل شي،

الياهل عنده العاب وااااااااااااايده ، بس احرميه من
وحده منها، شوفي كيف بيزعل،،،
انتي اعتبري اهتمامج ومشاعرج ومعاملتج الزينه ألعابه
المفضله، احرمينه من بعضها،،،،،(بس مب لدرجه انه لو
حب؟؟؟؟؟؟؟؟؟ تقولين لا...تراه اثم عليج)
خليه يحس انه شي ناقص منج،،،خليه يحتاااااااااااار
وكل ما غلط عيدي وياه نفس الاسلوب لين ما يتعود
انه كل ما غلط بيحصل تغيير منج

الحين لا تعذبين عمرج وتتصلين كل شويه وهو ما يرد
(بعد لا تعقين عمرج عليه وهو مطنش) صح ان في ظروف
خاصه بس واجب عليه على الأقل يرد على اتصالاتج مب
يطنشها مهما كانت ظروفه...ماعليج الا الدعاء والصبر

طرشي له مسجات حب حلوه بس مب مسجات فيها حنه
والحاح...............ترى الريال يحب اللي يركض ورها
مب اللي تركض وراه...واعتبري فترة غيابه شي مؤقت
بسبب الظروف الحاليه ولاتحرجين عليه لأنه ممكن يتهمج
بالأنانيه وانج ما تراعين الظروف...واصبري وان شاء الله ينفرج همج
عاجلا وليس آاااجلا..........آااااااااااميييييييييييين