شهادة خياطة

السلام عليكم ورحمه الله
كيفكم بنات حبيت اخذ رايكم انا معي شهادة خياطة ٦ شهور
وفيه خياط الحارة يقول بتنتهي كفالتي وابغى احد يكفلني ومعه شهادة خياطة وله راتب ٥٠٠ ويخيط عندي ببلاش


شرايكم بنات بالفكرة هل بستفيد او بتورط


ماعندي اي خبرة في الكفالات والمشاريع


ربي يسعدكم بنات ويوسع في رزقكم ويرزقكم من حيث لاتحتسبون 🌸🌸

8 تعليق 617 مشاهدة

شاركي في النقاش

سجلي الدخول لإضافة تعليق.

التعليقات

7
  1. @bryk_almash

    حاسبي اوعي تكفليه
    الكفاله لها التزامات قانونيه ، اذا ارتكب اي خطأ وبعدها هرب انتي تتكفلين بلي سواه قانونيآ
    ولو يسوق وسوا حادث لا سمح الله انتي الي يجيبوكي للتحقيق ودفع الغرامات ، وسمعت والله مشاكل كثير يعملوها وهم عارفين ان القانون بيحضر الكفيل يحلها وهم يطلعوا منها حاسببي ، اذكر وحده عملت مشروع خياطه وقبل العيد هرب الخياط وهو ماخذ عرابين فلوس من الناس واضطرت هي من جيبها تسلم الناس فلوسهم ولا تنسجن ومن غير انه اشتكى عليها انها ماتعطيه راتب لان المسكينه واثقه منه تعطيه بدون ماتوقعه استلام ،
    الافضل تتعاملي معه بدون كفاله
    حاسبي اذا الرجاجيل انخدعوا وتوهقوا ، وشوفي هو كفيله ليه مايبغاه ؟ وليه هو يبي ينقل كفالته ، الظاهر كفيله مقيده براتب وماعنده ًفرصه يتلاعب وانتي حرمه بيلعب عليك
    انتبهي هالامور لها عواقب ماتقدرين عليها
  2. @mnorz

    صاحبة الموضوع
    بريق الماسه
    حاسبي اوعي تكفليه الكفاله لها التزامات قانونيه ، اذا ارتكب اي خطأ وبعدها هرب انتي تتكفلين بلي سواه قانونيآ ولو يسوق وسوا حادث لا سمح الله انتي الي يجيبوكي للتحقيق ودفع الغرامات ، وسمعت والله مشاكل كثير يعملوها وهم عارفين ان القانون بيحضر ا…
    هذا اللي خايفه منه يسوي بلاوي وانا اتورط
    وكفيله بيسافر وينقل لمدينه ثانيه

    وقال لازم اللي يكفلني معه شهاده خياطة واعطيه ٥٠٠ احسها ماتستاهل احط سجل تجاري عشان ٥٠٠

    بس فكرت اخليه يخيط لي عبايات وابيعها استفيد


    وهو خياط حارتنا ونعرفه من زمان


    مشكور ة بريق الماسه على الرد ربي يسعدك🌸
  3. @hlawa

    Mnorz
    هذا اللي خايفه منه يسوي بلاوي وانا اتورط وكفيله بيسافر وينقل لمدينه ثانيه وقال لازم اللي يكفلني معه شهاده خياطة واعطيه ٥٠٠ احسها ماتستاهل احط سجل تجاري عشان ٥٠٠ بس فكرت اخليه يخيط لي عبايات وابيعها استفيد وهو خياط حارتنا ونعرفه من…
    وانتي مصدقة بيصير يخيط لك لمشروعك ببلاش
    بيتحجج وبيطلع الف عذر وفي النهاية ما بتشوفين شي
    والحل اتشاركي انتي وياه في المشروع
    انتي بما انك عندك شهادة سوي مشروع خياط وجيبية يخيط
    والمربح النص بالنص بينكم
    اما غير كذا لا

تابعي تجارب أخرى من هذا القسم.