تجمع الثامن عشر لحوامل شهر ستمبر (٩) & أكتوبر (١٠) 2021 💗💙

الله اعافيك حبيبتي
و الله يسلمك
ان شاءالله
حمدالله اموري بخير

اي انا في بالي احط كل طقم في كيس افضل

يمكن انا لانه كانه كتبته لكم في اقتراحات اسامي بنات اللي كنت ناويه اسميها

مشكورين حبايبي ع دعائكم و سؤالكم
رحت مستشفى اليوم حمدالله اموري بخير و جنين بخير و قال لي دكتور عادي هاي طلق كاذب بنسبة للفرازات اللي مايله ع بني قال لي عادي اهمشي من دون ريحة او حكه و قال لي رحم مسكر و مشيمة تمام
قال لي خلاص انتي في مرحلة تجي في طلوق يتهيأ الرحم للولادة بعدين هاي شي طبيعي
و قاس لي كانه تدفق دم للمشيمة بعد قال تمام

كيفكم كروشات


الحمدلله رجعت الخادمة للمكتب وارتحت
والله هم وانزاح الله يعوضني ويسخر لي ولكم


هاليومين طول الوقت اصبصب عرق ما ادري انا احتر بزيادة مع الحمل ولا كل الناس كذا مع ان المكان يكون بارد ! 😵




عبق الله يتمم عليك عافيته وكل شي أهون من شي بالعيد كلميهم فيس تايم وخليهم يثبتون الجوال واحضري العيد وانت بالغرفة 😬




ام شادن للحين معك الحرارة باليدين؟ لايكون ضغط




اللي تسأل عن حبوب غثيان انا اذكر كنت استخدم فومينور وكنت مرتاحه لها الحمدلله


سالي الله يلم شملكم قريت في التجمع السابق ان بيتك في جده وزوجك مو موجود، الله يفرج لك،. فترة وتعدي بإذن الله


ام فارس
الله يشرح صدرك ويقومك بالسلامة انت وجنينتك وإن شاءالله مايضطرون لاستئصال ولاشي، ربك على كل شي قدير
وبالنسبة لجو المستشفى قد جربته وانا مرافقه مع اختي بحمل عزيز ووالله انمرضت وانا طيبة من كثر الحالات اللي نشوفها ولكن الحمدلله على رحمته ولطفه اللي ينزلها على عباده والعجوز اللي توفت الله يغفر لها ويجعل ما اصابها تكفير وتأكدي إن ربي سبحانه ارحم فيها مننا ولعلها ماكانت في وعيها فلا يزيدك قربك من هالحالات كآبة او ضيقه الحمدلله على كل حال والله يرزقنا شكر نعمه
اذا تقدرين امسكي دفتر وقلم وشخبطي واكتبي كل اللي تحسين فيه، حتى لو بكيتي، هذا التنفيس يساعدك إنك تتجاوزين هالفترة بإذن الله وقلوبنا معك ودعواتنا،،،




بنات الاوميغا ثري مهم ولا مو ضروري ماقد احد وصف لي اياه من دكتوراتي بحملاتي السابقة
بس اذكر اذا اخذته بغير وقت الحمل يجلس على كبدي كيف عاد وانا حامل 😬


اللي تسأل عن السرير اخذت من حساب طفلي فرحتي سرير نيكست تو مي، حسيت فيه مزايا كثيرة اكثر من اللي عند سنتر بوينت او ممز ورد، اللي لسا ما اشترت تطل على حسابهم في الاستقرام وتشوفه
ثابت وهزاز ويتغير مقاس الارتفاع ومعاه ناموسية سحاب وتحته مساحة تخزين قابلة للفتح او الاغلاق
ان شاءالله اتوفق فيه ويكون عملي




وبس احس اني بربرت كثير بس لاتلوموني كانت الشغالة كابسة على قلبي وكأني تنفست بعد ما راحت واسفهليت 😁
بنات خصوصا اللي عندها اطفال ورى بعض وش حلولكم للخادمة؟ تجيبون اللي بالساعة ولا كيف عايشين 😥