صدفه اسمعي وافهمي كلامي كويس
انا جاني حمل خارج الرحم وبكلمك ونوعا ما فاهمه الوضع
حتى اللي كانو معانا في التجمع يمكن يذكرو اني انا اللي كنت اقول لهند انو حمل خارج الرحم لانو اتجمع عندها كل الاعراض
وكنت برسلها وبقلها لازم تروح تشوفو لانني خفت يصيرلها نزيف وفعلا طلع خارج الرحم
انت هرمونك مازال ضعيف يعني لو لا قدر الله طلع خارج الرحم لسا انت مو في خطر
فشان كذا مانبغى نسبق الاحداث
انا هرموني كان بيتضاعف كويس في البدايه ومعايا نزيف
وبدأ بألم خفيف في جنبي اليسار مكان الانبوب
وبعدين صار النزيف اقوى والالم يزيد اوقات ويشد
وهرموني كان في الآلاف
لما شيكت على هرموني مرتين ورا بعد بينهم يومين لقيناها بيزيد بس مو الضعف
الدكتوره قالت نصبر
لحد موعد الكشف
كشفت صار تشوف كيس جنين بس مافي نبض
قالت نصبر وبرضو بعد اسبوعين مافي نبض والهرمون في تزايد
الالم لما زاد عليا وكنت بقرأ كثير انا قلتلها يمكن خارج الرحم
وقتها قالت نكشف اشعه وسونار ونشوف
وفعلا لقيو شي عند الانبوب اليسار
ولانهم كانو يتسلو عليا وقتها اصريت اروح طوارئ حكومي
وكشقو عليا في التخصصي وقالولي لازم اروح اتنوم عشان الحمل كبر وممكن في اي لحظه ينفجر الانبوب ويصير نزيف وجدا خطر عليا
وبعدين رحت الجامعه واعطوني الابره
حتى هند شافو كيس في الرحم فشكلها زيي كانو يمكن توأم والله اعلم
انت حملك لسا صغي يمكن يصير معاك زي امنيتي طفلي
ويتم حملك على خير
هرمونها كان مابيتضاعف
بس مااعرف اش كمان اعراضها بس رأي لاتستعجلي
واكيد الاهم خذي رأي دكتورك
ويارب يارب يارب ياصدفه يتم حملك وربي قلبي وجعني
التجمع الـ١٩٣ للمقبلات على الحقن المجهري وأطفال الأنابيب 🌺
متابعة النقاش، صفحة 120
