اكيييد كلناااااا نحب المكياج ... وفي بعضناااا ادماااان:p
والصراحة بنااات ... المكياج ناهبني ... يعني ما يمديه يصير اول الشهر الا بعد اسبوع انا مصفره :35:
على كل حال مو هذا موضوعناا (( تراني قرقيه تحملوني هههه ))
حبيت اعرض عليكم الاشياء اللي جربتها وعجبتني من الماركات الرخيصه .. او اللي مجربينها صديقاتي وقريباتي ..... وانشالله تستفيدوون ويعجبكم الموضوع لانه بالصور << خخخخ ادري فيكم تحبون الصور هههه .
امانه امانه اماااانه يا بنات مو تستخدمون هالمكياج وتطلعون على رجاجيل اجانب :( ما يجوووز .. وتراني بريت ذمتي ... جزاكم الله خير على تفهمكم
ــــــــــــ بسم الله وعلى بركة الله نبتدي ــــــــــــ
اول شي ببتدي فيه ماركه احبها .. اسمها بورجواز Bourjois
هالماركه رايييقه مررررررره << ترى قاعد اتكلم سعودي ههي ههي ههي يا حلوكم ويا حلو حجيكم
المهم هالماركه حلوه احس انها نااااازكه ونااعمه .. بصراحة استخدم وايد اشياء منها والاغلب عاجبني ...
1- لوس باودر
وهذي صورة اللي انا استخدمها لان عندهم كذا نوع


وفي عندهم بعد لوس باودر مزود بفرشاه .. وهذي بنت خالتي عندها .. تقول انها حليوه
والصج انا ماخذه الاولى عشان اذا بغيت احط شدو اقدر احط كميه وافره من اللوس باودر تحت عيني عشان ما يهرهر .. بالفرشه صعب !
وهذي صورة الفرشه
















