التجمع الـ١٩٣ للمقبلات على الحقن المجهري وأطفال الأنابيب 🌺

السلام عليكم بنات
كيفكم
الف مبروك لكل البنات الي نجحت عمليتهم وحملو والله يتمم لهم على خير وعقبالي والباقين
والله يعوضني ويعوض كل من فشلت عمليتها
انا سويت برمضان مع الدكتور بندر العبدالكريم وفشلت
ورجعت سويتها الشهر هذا عنده الدكتوره زينب ابو طالب وحللت قبل العيد بيومين وفشلت بعد ماصار حمل الله يعوضني


نصايحكم بنات وش الخطوه الجايه الي مفروض اسويها

بنات الله يعافيكم
احذت الجرعة الثانية من لقاح كورونا قبل اسبوع
الخطه ان ااشهر الجاي ابدء التنشيط بحول الله
لاحظت اثار اللقاح جدا قوية من تعب والم شديد وانتفاخ في الذراع مده اسبوع
تتوقعون اللقاح ممكن يأثر على نجاح العملية؟

اهلين ازهار ورديه
اولا الله يجبر بخاطرك و يرزقك يارب
شوفي انا اخذت ابر منشطه وفي اليوم التاسع بس بويضتين وصغار
قال الدكتور مافيه استجابه لازم تسوين بلازما للمبايض وبعدها نعمل الحقن
وفي اليوم ١٢ قرر لي العمليه و دخلت المستشفى وعملتها طبعا زي السحب تماما وقالوا مارسي حياتك طبيعي
بس اول يوم كان ينزل علي شوي افرازات دم
وقال لي استمري ع الفيتامينات زي داهيه و الاسبرين والفوليك
وتعالي بعد شهرين
هذا الكلام كله كان في نص شهر ذو القعده اخر دوره كانت ٦ /١١ والى الان مانزلت الدوره و عملت تست منزلي ومافيه حمل
وانا عارفه مافيه حمل لان بعض الاشهر تتأخر الدوره هلي كذا
يارب ترزقني بالحمل الطبيعي يارب و كل وحده هنا بالتجمع
ونفتك من هم العمليات والقلق تبعها 😭😭

الله يعوض ويجبر كل من فشلت عمليته
وييسر امر المقبلات ويثبت حملهم ياكريم
انا امس كان عندي اشعه تاسع يوم من التنشيط وزاد لي الدكتور الابر
اول ٦ ايام كانت جونال اف ١٨٧،٥ مع نص ابرة ديبكتاتيل
بعدها ٣ ايام جونال اف ١٥٠ مع نص ابرة ديبكتاتيل
وبعدها ٣ ايام جونال اف ٧٥ مع نص ابرة ديبكتاتيل
ويوم الاحد اشعة ويقرر بعدها الدكتور متى بتكون العملية
كنت حاسبه حسابي ان العملية بتكون بدايه الاسبوع واخذت اجازه الاسبوع الجاي من دوامي لكن طول معاي التنشيط
محتاره مدري وش اسوي الغي اجازتي واخليها الاسبوع اللي بعده بس خوفي يقرر لي الدكتور العملية الثلاثاء 💔 وبنفس الوقت يمكن يطول لي التنشيط ومااكون مستفيده اني ماخذه هالاسبوع اجازه


الله ييسر ويكتب لنا الخير جميعااا

الله ييسر لك ويكتب اللي فيه خير ويرزقك بالحمل السليم.. بس من رأيي لو تاخذين اجازة يوم واحد يوم السحب اذا ماتقدرين تستأذنين ، وتأجلين اجازة الاسبوع الى وقت الترجيع هنا بتحتاجين راحة وماتتحركين عالأقل اول خمس أيام