التجمع الـ١٩٤ للمقبلات على الحقن المجهري وأطفال الأنابيب🌺👶🏻

انا اجنتي اليوم الثالث

ولي ٨ ايام من الترجيع ومااحس باي اعراض

شكرا على الرد الله يرزقك بالذريه الصالحه

صدفة عمر كنت بأرد ع المحلول الأبيض مالحقت


أنا يابنات مااعطوني اياه وقت السحب هل لازم أطلبهم إياه وقت الأرجاع؟

قبل ما تقبلون على العملية وش الاستعدادات اللي تسوونها

كيف نجهز أنفسنا لعمل الحقن المجهري ?

قبل – أثناء – بعد العملية التوجيهات بتكون موجهه للحالات اللي ما فيها تعقيد أو اللي ما فيها إجراءات إضافيه يعني بتكون الحيوانات المنوية موجودة بأي عدد أو شكل والبويضات كذلك .


§ في نقاط نحتاج نحطها أساسيات لنا :
- هرمون الحليب والغده المفروض يكونوا ف المستوى الطبيعي . - هرمونات التبويض تكون عالية او نازله مو أزمه .
- نخلي فيتامي دال متضبط .
- تركيز الدم أو الهيموجلوبين مو أقل من 10 .


كثير نسمع عن أجنه درجه أولى وثانيه كثير نسمع عن فشل العمليات او إجهاض متكرر, خلاف زيادة التكلفة وقله البويضات او عدم نضوجها !

90 % من أسباب هذه المشاكل متركزة ف زيادة الوزن للزوجة لأن الوزن الزائد يزيد مخزون الدهون المتراكم داخل البويضة .

الان أنا اغامر بمبلغ مو أقل من 3 الاف دولار و أدخل عمليات عشان احتمال ضعيف للحمل ?
كذا نفهم نقطه .. قبل أجهز نفسي للعملية اعمل حسابي وزني أو بالتحديد كتله جسمي ما تزيد عن 25 بهذا الرقم كذا انا اخذت بالأسباب عشان اقلل التكلفة وارفع نسبة الحمل

كذا انا ضبطت تحاليلي .. وضبطت وزني .. طيب الان ابدأ تنشيط كيف اجهز نفسي ?
الجميع الزوج والزوجة قبل اجراءات الحقن المجهري أفضل نأخذ كورس مضادات اكسده لمدة أسبوعين قبل التنشيط ونستمر إلى يوم العملية زي ما الكل عارف فيه كذا نظام تنشيط الطويل والقصير والمضاد كلهم أحسن من بعض ..
فيه دكتور متمرس على القصير وفيه اخر محترف الطويل لكن كل حاله يصلح معها نظام معي ما يصلح مع غيرها يعني دكتوري هو اللي يحدد أي خط سير أقدر أمشي عليه الدكتور حدد البرنامج وعرفت أدويتي و أبري , الان اشتريها من وين ?

زي ما هو معروف إن الأدوية لها دور كبير ف نجاح العملية أو فشلها وطريقتي وفهمي تحدد فرص النجاح كثير حالات تسب وتلعن ف الدكتور والمستشفى !
لكن لو ركزنا نلاقي الدكتور يسوي نفس شغله كل يوم يعني هذا عنصر ثابت ..
المستشفى والمختبر يسوون نفس شغلهم كل يوم يعني أيضاً هذا عنصر ثابت الزوجين اول مره يأخذون أدوية !
هذا العنصر المتغير و المتذبذب .. العنصر المتغير حالياً هم الزوجين عشان كذا نحاول نوحد طريقتنا معهم و نقلل مصادر الضعف او القلق حواليهم وخاصةً ف الأدوية .

المغزى هنا إن جميع أدويتي اخذها من نفس مستشفى الحقن المجهري , مو ابره من هنا وابره من هنا!!!
وحكاية ابرتي صديقتي ما احتاجتهم و عطتني اياها و 6 صرفتهم لي اختي من المستشفى الحكومي !!!
كلها نقاط تضعف البويضات جداً و سلبياً تأثر عالنتيجة يعني ضروري اتجنب اخذ ابر من برا صيدلية مركز أطفال الأنابيب تماماً ونبهنا كثير إياكم وصيدليه النهدي بكل فروعها ..

نقص علي ابره او ابرتين .. ?
اتواصل مع الدكتور يدلني على صيدليه موثوقة او أخذ نفس الإبر من صيدلية مركز حقن مجهري واحاول اامن مع نفس الصيدلية على الكمية اللي رح احتاجها كل نوع ابره وله طريقه ولازم نسأل الدكتور عنها أو ندخل اليوتيوب ونتعلم كيف تنأخذ ف البطن أو الفخذ أو العضل والأقلام ينطبق عليها نفس الكلام. § عادةً التنشيط يكون ف أحسن مستواه ما بي ٩ أيام إلى ١١ يوم ف حال كانت السيدة وزنها عالي أو مخزونها ضعيف بتزيد على كذا يوم او يومي وعادةً هذا الشي بضعف البويضات والبطانة ويقلل فرص الحمل , عشان كذا لو كان الوزن مضبوط والتبويض ممتاز والابر مضبوطة, عادة ما نتعدا ١١ يوم .


طيب هل ف شذوذ عن هذه القاعدة ?
نعم فيه ... خلصت التنشيط , ضبطت اموري و زوجي لو عنده ضعف أو ١٠٠ مشكله المهم ما يكون فيه صديد وما يمتنع أكثر من يوم او يومي بحد أقصى مريت دكتوري اليوم وخبرني عمليتي بعد بكره واليوم الإبرة التفجيرية نتجهز للتالي : اختبار البروجيسترون يفضل نعمله عشان نشوف فاعلية البطانة ومدى نشاطها لاستقبال الأجنة ونلاحظ زيادته بعد مرور 10 ايام تنشيط .. ف امريكا وأروبا يعملونه بشكل أساسي بعض عيادتنا بتعلمه وكثير لا , الكل يقول الفحص غالي والمريض ما يقدر يدفع او المريض يقول ان هالشي برفع عليه التكلفة.


خلاصة الكلام :
كل ما كان التنشيط قليل ف الأيام والاستجابة زينه عادةً ما يزيد, أما لو التنشيط طول والاستجابة ضعيفة بيرتفع البروجيسترون والمفروض الحد الاعلى له 1.1 أما ف حال زاد عن كذا يفضل ننقل أجنه درجه 2 ونجمد درجه أولى او نجمد كل الأجنة وننقل مجمد وآخر جماع بيكون نفس الليلة او اللي بعدها. ما عدا حالات فحص الأجنة بتمتنع 3 أيام قبل السحب عن الجماع لحد ما يصير حمل والدكتور يحدد الجدول والطريقة, غير كذا مسموح لنا الجماع قبل نقل الأجنة.





نقلت لك من الملف