رحمه أم يوسف.. أنا ركبت اللولب مرتين لأنه الحبوب العاديه تخليني أطرش كل يوم كأني أتوحم 😂💔..
.
لكن ما قد ركبته بعد الولاده مباشرةً .. في بكريتي أخذت حبوب الرضاعه بعد النفاس تقريباً حق ٣ شهور وناسبتني الحمدلله حبوب الرضاعه لأنها خفيفه بس بعضهم يحملوا عليها يعني موش قوية زي العادية.. وتقريباً لمن كملت بنتي ٥ شهور ركبته..
المره الأولى لمن ركبته كنت خايفه وطفشت الدكتوره بالرغم انه يدها خفيفه وسريعه لكن نفسياً كنت خايفه وهو ما يخوف صراحه يعني ولا شيء جنب الطلق والولاده.. مجرد تحسي بمغص الدوره وهي تركبه وكلها خمس دقايق وخلصت.. والشهور الأولى تكون دورتي طويله وبعدين تنعدل..
.
وما في شيء اسمه يشقق وكدا.. المهبل عباره عن عضله وهي بتحط قطعه حديد كدا عشان تفتح المهبل وبعدين تجيب اللولب وتركبه..
اصبري ولا تفكري بالوجع.. والحياة جزء منها معاناة سواء الم جسدي أو نفسي .. وتجي أيام مرتاحين وأيام يقوم علينا وجع سواء أسنان ولا سخونه ولا نزله معوية ... الخ..
.
واللولب وجعه وقتي فقط وبعدين بتعطيكِ مسكن وأمورك زي الحلاوه.. يعني مره أهون من الولاده ومره أهون من خلع ضروس العقل 😂<<< وحده شايله هم ..
تباشير 1️⃣0️⃣ لمواليد💕 يوليو واغسطس💕 2021💕
متابعة النقاش، صفحة 23