التجمع الـ١٩٤ للمقبلات على الحقن المجهري وأطفال الأنابيب🌺👶🏻

للاسف خليتها يوم وخرجتها مضايقاني

وبعد ماشفت ايش نزل بعدها اتمنيت اني تركتها

رحت اليوم للممرخه ونسيت اقلها تعطيني وحده ثانيه

اول ماسويت التمريخ ماحسيت بداك الشي

قلت عادي
بس تاني يوم حسيت اني احسن وبطني ارتفعت معناه الرحم ارتفع

واليوم كمان اعتنت بيا زياده كانت فاضيه وجلسنا نتكلم طولت معايا

ومن قلبها تدعيلي بتوأم بنات من غير مااقلها

قلتلها كمان ابغى ولد
قالت البنات اول 😍

الله يرزقنا جميعا الحمل السليم اللي يفرح قلوبنا ويقر عيوننا يارب ياكريم

ماشاءالله حلو انك شفتي لها فايده
عذرا بس قصدك نزلت افرازات مويه و لا دم ؟؟


و اعطيني رقمها افكر اروح لها و هي فحي ايش فجده

معليش لاتزعلي مني

بس انت تتحملي جزء كبير من الغلط
كيف الكلام يضايقك وتضحكي

اسمعيني كويس

انا جدا انسانه لطيفه بشهادة الكل وكنت دايما اتنازل عن حقي لاني جدا استحي ومااحب ارد احب او اجرح احد او ازعل احد

اللي زي كده حتى احبابه واهله يتمادو معاه

صار معايا اكثر من موقف وكانت فاصله بالنسبه لي

اتعلمت اقول لا

ولما وزني زاد واحد يفتح فمه اسكته

ارزعه كلمتين اخلي الكلام يوقف بحلقه

وربي يعلم ازعل بداخلي بس لاني عارفه لو ماوقفته عن حده راح يفضل يتمادى معايا

ابسط شي

تقولي عاجبني
مايخصك انا مرتاحه كذا

او قوليله ماطلبت رأيك

المهم تسكتيهم في البدايه حيزعلو بس على المدى الطويل حترتاحي جدا وحيحترمو وضعك ولا احد حيكلمك

وبخصوص الوزن هوه ظروري تنزلي وزنك لانه جدا يأثر
عارفه انو مع المنشطات والكورتيزون صعب بس ينزل

جربي رجيم الصيام المتقطع او تاكلي شي بسيط كل ساعتين بس هذامايناسب المتكيسه

حتلاقي ١٠٠٠ خيار نقي اللي يناسبك ولو صارلك وقدرتي تمشي امشي مرا ممتاز

حتنزلي وزنك عشان نفسك وعشان موضوع الحمل مو عشان احد ولا كلام احد


سامحيني طولت بس انقهرت لانك فكرتيني بنفسي

ربي يثبتلك اجنتك ويرقك منهم الحمل التام ويفرح قلبك يارب

الله يثبتهم ويرزقك الحمل السليم التام