هل اتواصل معها مع انه حاذفتني

بدي استشيركم معلش رح اطول شوي
ياريت تقرؤوا لاعرف اني صح او خطأ




عندي بنت خالتي وبنفس الوقت بتكون بنت عمي كتير كنا مثل الاصدقاء يعني ذكريات الطفوله
انا اتزوجت والتهيت بحياتي الزوجيه برضوا كل ما نجتمع زي ما احنا
لما اعملت حساب بالفيس طبعا ضفتها عندي


وتقريبا قبل سنتين انخطبت كتير انبسطتلها واكتر
حتى يوم خطوبتها ما كان عند زوجي سياره حكالي غلبه انروح حكيتلوا كل بنات عمي كوم وهي كوم وانه خالتي وعمي ما قصروا معي لازم اروح




المهم بعد الخطبه بفتره صارت مشكله بين امي وهي بنت خالتي وبنت خالتي علت صوتها على امي


بصراحه انا اضايقه منها واخدت موقف بس برضوا ضلت عندي بالفيس




وبعد المشكله بفتره كتبت اكتابها بدون حفله
انا تاني يوم من كتب الكتاب بعتت لخالتي وباركتلها


وتقريبا ثالث يوم او رابع قلت مع نفسي خليني ابعت لبنت خالتي واباركلها لما بحثت بالفيس عن اسمها لقيتها حاذفه الصداقه


بصراحه اولها ما اتوقعت نهائي انه هي الي حذفت فكرت بالاول انه بناتي الصغار بالغلط حاذفين لانه بمسكوا تلفوني
كنت بدي ارجع ابعت طلب بس في شي منعني
فحكيت لامي الي صار راحت شافت حسابها بالفيس


طلع لاغيه امي ولاغيه حتى اخواني


وبعدها اعرفنا من حد لانه ما باركنالها بكتب الكتاب فلغتنا جميعا




مع انه انا بعتت لخالتي يعني امها وباركتلها
وطبعا امي امباركه لخالتي يعني اختها




بصراحه كتير انصدمت منها
مع انه بحياتي كلها لو شو ما حكت او عملت ما كنت ازعل منها بعزها كتير الها ولخالتي


لكن كتير انصدمت منها




فطبعا خلص ما بعتلها شي بالفيس وماباركت




وبعد فتره اجى العيد وزورت خالتي
كانت بنت خالتي لسه ما اتزوجت كنا طبيعين جدا وسلمت وحكينا كانه مافي شي








وبعد فتره صارت بدها تتزوج طبعا مشان كورونا عملوا حفله بالبيت انا كنت وقتها حامل
وعزمتني خالتي قبلها بيومين بعتت انه الحفله بالبيت بصراحه كان صعب اروح لانه اهلي ابوي وامي واخواني رايحين مافي مكان بالسياره


وبنفس يوم الحفله اتصلوا بزوجي وعزموه وقتها كان صار مع زوجي سياره
وزوجي حكى ان شاء الله
وكان بده انروح انا حكيتلو انسى طبعا زوجي اتفاجئ لانه بعرف قديه بعزهم




(طبعا من ناحيتي لاكتر من سبب لانه حذفتني من الفيس
وانه حامل وكان وقت كورونا
وانه عزموا زوجي بنفس اليوم مع انه زوجي ما اخد فيها )




المهم امي راحت وبنت خالتي سألتها عني ليش ما جيت
(وانا بعدها بيومين اتصلت بخالتي وباركتلها بزواج بنتها )
وبعد ما اتزوجت بفتره امي وابي راحوا باركولها لبنت خالتي وبرضوا سألت ليش ما جيت




وطبعا انا بعدها اولدت وخالتي وعمي ما اجوا باركولي الا لما صار عمر ابني خمس شهور واجوا كان عيد الفطر
وحكوا كنا بدنا نيجي قبل بس ما عرفوا بشو يتحججوا اكتر من سبب حكوا




(مع انه وانا بنفاسي كل يوم اتوقع يجوا بذات خالتي كل حمل تيجي اول وحده ما بنسى ضلت معي باول ولاده بالمستشفى ونامت عندي بعزها كتير مثل امي
بس بكيت كتير لانه ما اجوا بحملي الاخير الي هو الثالث كل يوم اجهز الضيافه واتوقع يجوا)


طبعا لما اجوا بالعيد جابت الهديه وهي حكت لامي انه مجهزه الهديه من زمان ومش ضابطه انه يجوا )




المهم قبل يومين خالتي التقت بامي صار بينهم حوار
فخالتي بتحكي لامي


انه بنتها حكتلها ليش تروحي تباركي بولادتها قصدها عني وهي ما اجت باركتلي بزواجي
وانه مستغربه ليش ما روحت باركتلها بزواجها




شو رايكم الان صار لها متزوجه تقريبا سنه وحامل






انا شاعره بشي مضايقني وفي شي بمنعني انه اتصل عليها مع انه خالتي كل فتره بتصل فيها وبحكي معها


هل معي حق


معلش بعرف تفاصيل طويله بس اقراءو لانه مش عارفه الصح او الغلط
لو ما حذفت هالصداقه كان ممكن اتواصل معها


مع انه لو شفتها انا بكون طبيعيه اكيد معها

29 تعليق 3,777 مشاهدة

شاركي في النقاش

سجلي الدخول لإضافة تعليق.

التعليقات

25
  1. صاحبة الموضوع
    طبعا انسيت اكتب خالتي حكت لبنتها
    انه لهون وبس انه ما دخلها اذا انه باركتلها او لا
    انه بتحبني وبتحب حتى اخواني
  2. @aol_thanoy_1

    المفروض دقيتي اتصال باركتي لها مو فيس بوك


    وزواجها المفترض رحتي


    يعني انتي بديتي بالغلط


    عموما لاتخلون التوافه تكبر بينكم
    وجبوا بعض بكل ذوق ارفعي السماعه
    وحذفتني خلتني عمرها ماكانت سبب للمشاكل
    وتصير بيننا بس مانعلق ونطنش
    اهم شي الواقع نأدي ونقوم بالواجب واحترام
  3. صاحبة الموضوع
    اولى ثانوي
    المفروض دقيتي اتصال باركتي لها مو فيس بوك وزواجها المفترض رحتي يعني انتي بديتي بالغلط عموما لاتخلون التوافه تكبر بينكم وجبوا بعض بكل ذوق ارفعي السماعه وحذفتني خلتني عمرها ماكانت سبب للمشاكل وتصير بيننا بس مانعلق ونطنش اهم شي ال…
    انا اصلا ما كان معي رقمها
    كنا نتواصل ماسنجر

    بس كان معي رقم خالتي وباركتلها لخالتي


    وكمان بنت عمي كل الناس بالفيس باركولها كانت منزلها منشور بالفيس والجميع باركلها هناك
  4. @never_broken

    لا تخلي للشيطان سبيل


    علاقة مثل هالعلاقة ما شاء الله لا تعوض غير ذلك هم ارحام


    الخلاف وارد جدا بس خساااااااارة لا تخسريهم


    بسرعة صلحي كلشي قبل لا تكبر الفرقة و تبعد العلاقة و تقسى القلوب سبحان الله


    بالبداية بتحسين انه صعب و بتفقدون بعض بس لو تعودتوا على البعد خلاص بتقسى القلوب و بتنسوا بعض


    تعوذي بالله من الشيطان و انسي كل شي و انتي بادري و الله لو مكانك ان اشتري وصلهم
  5. صاحبة الموضوع
    اولى ثانوي
    المفروض دقيتي اتصال باركتي لها مو فيس بوك وزواجها المفترض رحتي يعني انتي بديتي بالغلط عموما لاتخلون التوافه تكبر بينكم وجبوا بعض بكل ذوق ارفعي السماعه وحذفتني خلتني عمرها ماكانت سبب للمشاكل وتصير بيننا بس مانعلق ونطنش اهم شي ال…
    حكيت ليش مار وحت مافي مكان بالسياره مع اهلي لانه كانت عازمه اهلي ابوي واخواني ايضا راحوا سياره وحده مابتوسع
    ما كان عازمين زوجي
    اتصلوا بزوجي بنفس اليوم الظهر (وكان زوجي مداوم شغل )وطبعا انا مش مجهزه ولامهيأه حالي ولا بناتي لانه خلص مابنفع اروح
    والعرس كان بعد العصر

تابعي تجارب أخرى من هذا القسم.