🎉🎉التباشير الاول لمواليد سبتمبر(9) & اكتوبر (10) 2021🎉🎉

صباحكم جميل لو اني للحين ما نمت 😂 غفيت العصر بعد الدوام اليوم وعلى وقت الليل خلاص ما فيني نوم سهرت على مسلسل بنتفلكس
اليوم طلعت القرارات عندنا - من الاسبوع الجاي مضطرة ارجع اداوم من المكتب بعد تقريبا شهرين دوام عن بعد بشتاق التسدح والتبطح 😂ما كنت اتمنى ارجع وانا بهالثقل بس يالله كلها اسبوع وتبدا اجازتي السنوية اخذت اسبوعين ارتاح فيهم قبل لا يجي البيبي وناويه اغير جو مع عيالي باذن الله


والدراسة راح تكون حضوري عندنا - الله يعين مع بنتي الي بتكون اولى ابتدائي / من ناحيه اقول يمكن خيرة تداوم في المدرسة، الله يحمي أطفالنا يارب ويبعد عنهم كل مكروه

اهلين علي الحلوات
اخباركم
انا امس دخلت ٩الحمدالله
اليوم شويت سونار الحمدالله الوزن صار ٢كيلو من بعد الموز وتحليل السكر طلب مني اعيده يوم الاحد مع المحلول بيشوف اكيد سكر حمل او لا
والماي الحمدالله تحسن ووصل فوق الحد بشوى بفضل الله قبل ناقص
والله باقي لي الصيدليه والسرير للحين ماخذيتهم كل يوم اقول بكرا

بنات اللي دخلوا التاسغ
شنو روتينكم فيه
تشربون شي رياضه ممشي
اليوم دكتوري يقول المشي ماله شغل بالولاده لكن يستعد جسمك وعضلاتك للولاده المشي ماله دور بالولاده يعني ممكن تنشين وتولدين عمليه

كيف وضع الدراسة عندكم انتم الكويت
حنا الابتدائي والروضه ومعلماتهم عن بعد الى ٣٠ اكتوبر
اما المتوسط والثانوي حضوري بس شرط جرعتين

الحمدلله الله يتمم لك على خير وتولدين بالسلامة

بالنسبة لي نفس الروتين اللهم المشي على حسب الفضاوة امشي ٢٠ دقيقة مااطول
وبالنسبة للاكل والشرب مااخذت شي خفت لأن كير اقرأ انه مايصلح اشرب شي الا لما ينفتح الرحم