ساعدوني ابغي حل (الزواج مو غصب وهو مو راضي يفهم)

السلام عليكم ورحمة الله وبركاتة
بالعادة انا اتابع عالم حواء بصمت بس اليوم فتحت لي حساب عشان اكتب مشكلتي لكم وتساعدوني ويارب القى لي حل ..
اخخخ مدري كيف أبدأ .. ولد عمي شيبة بعمر الخمسينات ومريض الله يشفيه وناشب يبغي يتزوجني هو متزوج 3 وعنده اكثر من 25اولاد غير الاحفاد وتخيلوا انا من عمر بناته الصغار انا حالياً داخلة 23 وزوجاته والله لما اشوفهم يرتعد قلبي منهم هذا الشيء قبل مايخطبني المهم خطب اول مرة قبل 3اشهر ولما قالو لي اهلي انصدمت وحسيت بغمتة ورفضت( واصلاً انابالأساس رافضة فكرة زواج من متزوج) في ذاك الوقت كان اهلي رافضينة..وبعد شهر رجع يتكلم هنا رفضت وقلت خلاص انتهى الموضوع بعد فترة رجع وهالمرة يكلم امي ويقولها كلام وكذا ومن ضمنة اغصبيها مراح تلقى احسن من ولد عمها ونصايح وكذا ورجعوا يسألوني واعطوني مدة عشان افكر فيها وانا اقولهم ماابغاه ورافضة بنات كنت ماانام الليل ولا أكل مهمومة وادعي يارب لاتجعله نصيبي وابكي وصار كل الي حوالي من اقارب يضغط علي تزوجه على الأقل يجيلك عيال والي تكلم امي وتقولها اغصبيها ماتعرف مصلحتها حسبي الله عليهم وهم والله مزوجين بناتهم لأحسن الناس وشباب من عمرهم وجايين ينصحوني اتزوج شيبة من عمر ازواجهم ..جلست كل يوم اقول لأهلي كلموه قولوا رافضة غصب كلموه وخبروه... حسبي الله على من حطتني برأسة زوجت اخية لما فكر يخطبني سأل زوجاته عني وماعطوه وجه وراح يسأل زوجت اخيه وهي الي حلتني بعينة .. الحين سمعت انه عادة يفكر يرجع مااعرف كيف أتصرف هلي هالفترة يمدحونة وانه رجال كفو ومن هذا الكلام واحلوا بعيونهم وخايفة يجبروني لأني قبل سنتين خطبني واحد وكان شاب ماشاء الله عليه بس رفضت طبعاً ماكان فيه نصيب وفي ناس تكلموا ورفضت الحين هلي يفكرون ليش ارفض ومن هذا التفكير ... وانا من بعد خطبته الآخيرة وضغط الناس حسيت اني انكسرت نحفت بشكل مو طبيعي وبشرتي تغيرت ولا صرت انام كله تفكير .. وصارت أفكر ايش الي خلاه يتجرء يخطب بنت بعمر بنته الصغيرة في شيء ناقصني وانا مو عارفة او عشان ماكملت مدرستي ويعتقد اني انسانه متخلفة ؟ صحيح ماخلصت مدرستي بسبب اهلي بس اشتغلت على نفسي وثقفتها واهتميت بعقلي وتفكيري الحين الي مايعرفني يعتقد اني مخلصة جامعة الحمد لله هذا من فضل الله ... الي يقهر اكثر خاطب لولدة وحدة من قريباتي اكبر مني وهو جاي يخطبني انا ..مدري احس اني تلاشيت وعاد صار كل صديقاتي وقريباتي يطقطقون علي .. الحين خايفة من اهلي يبدو عليهم انه عاجبهم حالياً والي سمعته انه ماقد فقد الأمل عطوني حل كيف اتخلص من الموضوع الزواج مو غصب وهو مو راضي يقتنع (عاد الله لايوريكم نضرات زوجاته لي وانا في الجمعات ودهم يقطعوني هذا كله وانا رافضة .. احس حالتي مآساوية 😂)تكفوون ابي لي حل احس اني تغيرت ماعدت مثل قبل بسبب هذا الموضوع آثر فيني كثير .

51 تعليق 10,229 مشاهدة

شاركي في النقاش

سجلي الدخول لإضافة تعليق.

التعليقات

51
  1. @ktaa_skr_21

    عادي قوي نفسك زياده واستمري في الرفض واقترحي عليه يتزوج اخت زوجة اخوه اللي مدحتك قولي عندها اخت تطيح الطير من السماء حسب ومال وجاه وجمال خليه ينشب لها ويتركك
    واذا قابلتي حريمه في الجمعات قولي الله يعينكم على سلفتكم شغاله تمشي وتخطب بنات خلق الله لزوجكم شكلها تكرهكم ولعيها بينهم لعل وعسى ينشغل فيهم
  2. @amany_alkhtany_1

    انتي صغيررره لاتدفنين نفسك مع شااايب
    نصيحتي ارفضي ونصيبك يجيك
    وبلغي امك وابوكي واخوانك
    مااتوقع الحين البنت تنجبر على الزواااج
    البنت بهالزمن الكلمة كلمتها والشور شورها
    واذا اهلك مو من هالنوع وبيغصبونك
    فيه محاااكم تخليهم يهجدون
    اما انك ترمين نفسك كذا لا حراااام
    شوفي البنات اللي بسنك يأخذون عز الشباب
    وانتي مو ناقص شيء فيك عشان تاخذين شايب
    لا وعنده ٣ حريم بعد😫
  3. تمسكي بقرارك وخليج متأكدة ان الشي الي تبينه بيصير ، راح يعطيك طاقة ايجابية مو طبيعية ، نصيحتي لك انك تتمسكين بقرارك ولا تتركيه حتى لو ابوك نصحك او اخوانك او اقرب الناس لك ، لازم تعلمينهم ان الزواج قرار شخصي وخاص ولا يمكن لاحد ان يتتدخل بقرارك لانه ماراح يحدد مستقبلهم راح يحدد مستقبلك جميل او سيئ ، بالأول والاخير هذا القرار بين ايديك ولا تسمعين كلام الرايح والجاي حتى من اقرب الناس لك مو اساءة لهم بل حرية شخصية وقرار خاص فيك ولاتسمعين كلام الرايح والجاي سوي الشي الي تشوفينه صح . الله يوفقك وجمعك بولد الحلال الي تتمنينه ويكتب لك الي فيه الخير
  4. @aanod_fhd

    موضوعتس مبالغ فيه تسثير
    مير انت صادزة ولا تساذبة الله اعلم
    اجل خطبتس شاب وشايب؟ مجا طفل بعد امه تطلبتس له؟
    الي جاكم ماخذ ٣ وانت الرابعة هذا في اي فلم مصري
    ما كتبت الي طلبوتس متوظفين وين في ارامكو ولا سابك
    وحريم الشايب ما دروا عنتس ولا ناظروا لك كل وحدة مشغولة بعيالها تخز ورعانها حتى يهجدون في محلهم وانت تحسبينها تعاينك اقول عيني خير بس

تابعي تجارب أخرى من هذا القسم.