احتاج مشورة 💔

ياعمري انتي الله يفرج همك حزنتني قصتك لاتزعلين مني تراك ارخصتي نفسك بتنازلااتك من البدايه
واللي ترخص نفسها ماتلاقي الا الحقران شوفي يوم عزيتي نفسك ورحتي زعلانه راح غير لك كل شي
خذيها قاعده بالحياه اكرمتي نفسك وعزيتها بيعزونك كل اللي حواليك اهنتي نفسك وتنازلتي كلن بيدوسك لاتفكرينهم بيقولونواوو مسكينه طيبه ضحت لا طبعا يشوفونه رخص وقل قيمه لنفسك ...مادرس شقولك بس حياتك وانتي ادرى فيها فكري واستخيري ربي والله يفرج همك ويفرح قلبك بكل مايسرك وطمنينا عليك. اذا قررتي

‏‎لا يأخذ الإنسان
معه إلا الجميل الذي صنعه *.
لا تحزن
من محنة فقد تكون منحة ..
ولا تحزن
من بلية فقد تكون عطية .
ولا تشتكي
من الأيام فليس لها بديل ولا تبكي على الدنيا مادام آخرها الرحيل .. وأجعل ثقتك بالله ليس لها مثيل .. وتوكل على الله حق التوكل
فإنه على كل شي وكيل.

اللي من ايده الله يزيده

كل هاللي سويتيه ممنه فائده

اللي داخله عازه نفسها تنعز واللي داخله بلعكس ذلت نفسها

شوفي يا اختي ,أنت بنت كرام ومن بيت كرم وأدب وعشان جي ما بغيتي تتعبينه بالطلبات لا انتي ولا اهلج قبل الزواج, وباذن الله اجرك عند الله.
لكن بعد الزواج شي ثاني , لج عليه حقوق مثل ماله عليج حقوق وواجبات.
زوجك باين مو شراني مثلا مثل ازواج ثانيين. لكنه على نياته ويثق بعائلته ثقة عمياء ويمكن من النوعية اللي ما تقدر تحفظ السر بتاتا وهذي مشكلة صعب تتغير في الشخص, واهله باين ناس الله المستعان.
أولا , لازم لازم لااااازم تكونين قوية وخصوصا مع اخته هاذي , تقط عليج كلام ليش تسكتين ؟لا تقولين ما تربيت كذا هالكلام مع الناس المحترمة المؤدبة مو مع الناس الشرانيين, علطول ردي عليها رد اقوى واول ما تطلعين من عندها اشتكي فوووورا عند زوجك من تصرفاتها. غالبا ماراح يسوي شي لانها في النهاية اخته لكن الهدف يكون ماشي في الخط من تعدياتها عليك ولي جا يوم واتمشكلتو انتو الاثنين ما يقول انتي الغلطانة, ولا تنكر هي اي شي.


(((((( ومن الحين سوي جلسة مصارحة معاه , وخبريه واشتكيله عن كللللللللللللل الاشياء اللي صارتلك , لاوم يعرف انك وصلتي حدك ومو قادرة تتحملين اكثر الاذية ولازم يكون في حل.))))))



بالنسبة لامه ما تقدرين تردين عليها بالمثل لانها امه , لكن تقدرين تتعاملين معاها ببرود, تقولج شي قاسي ردي بادب وبتوضيح للي كنتي تقصدينه. ولما ترجعين البيت قولي لزوجك, والهدف نفس الشي .


ثانيا : اذا ما تقدرين اتقولين لامك قولي لخواتك البنات يشورونك, او على الاقل تفضفضين لهم وترتاحين , حاولي بكل الطرق ما تسمحين للاكتئاب يتسلل لك , قولي لزوجك يطلعك برا البيت , واذا قال عند اهلي قوليله عند الاهل بعد قعدة داخل بيت ما تعتبر طلعة ابي اروح مكان امشي فيه , حديقة أو شاطي او حتى بر.


زياراتك لهم قلليها كثييييير , مثل زوجة الاخ الكبير , بالتدريج. واذا زوجك قالك ليش , انتي بتكونين لازم خبرتيه كل الاذية اللي تجيلك منهم وانك صابرة احتراما له , لكن مو مجبورة كل اسبوع تنهانين . قوليله هالكلام بهدووء وادب , لازم يفهم . واذا راح خبرهم احسن واحسن عشان يعرفون انك مو مسخرة.






ثالثا : عليك بقيام اليل والاستغفار لييييييل نهاااااار , والدعاء , والصلاة ع النبي والحوقلة والصدقة.


رابعا وهو الاهم في القائمة , حاولي ما تحملين الان نهائيييييييييييا على الاقل سنة ولا سنتين لحد ما توضح الصورة في حالة لا سمح الله صار شي وما مشى الحال , ع الاقل ولد واحد ولا اثنين وبهدلة.

كم كان عمرك لما تزوجتي