احتاج مشورة 💔

الله ييسر امورك اختي ويفرج عنك
..............لكن لفت نظري شبكة الزوجة ليش هي خلعته علشان ترد له المهر؟ ...




المهر مال وذهب من حق الزوجة الا اذا هي خلعته فترده له اما اذا هو من طلقها واخذه غصب لا يجوز له ذلك؟....نبهيه على ذلك...

عليك ي قلبي بالحوقله وفوضي امرك لله ادعي انه الله يبعد عنك شرهم ويصخر لك زوجك والله مانبي نقولك شي يهدم حياتك لكن اسال الله رب العرش العظيم ان يخرجك من خلق الضيق ويفرج همك يارب

قصتك مشابه لااختييييييييييي مره كذا لكن الله يجبر قلوبكم يارب وحاولي لاتعطينهم وجهه وخلي زياراتك كل شهر مره

شوفي حبيبتي انا بتكلم معاك من تجربة لي سبع سنين متزوجة تزوجت صغيرة على نياتي اشياء كثيييرة ما اعرفها وكانت نيتي طيبة وبريئة انا اقولك هالكلام عشان تعرفين الوضع زوجي اكتشفت بشهر العسل انه يشيش وكان يتهاوش معاي عشان يروح يشيش لاني كنت رافضة يشيش قدامي واكتشفت برضوه انه مسوي عملية دوالي واثرت عليه كثثثير من ناحية الانجاب وكان عقيم لين مع الطب وعلاجات وقبلها رحمة الله طلع معنا حيوانات قليلة حملت منها بطفل وطبعا مخبي عني واكشتفت انه كان خاطب قبلي لمرحلة انه ملكتهم بيحددونها خلاص لكن فسخ الخطبة وشبكتي هي شبكتها وساعتي هي ساعتها ودبلتي هي دبلتها لما شراها كانت لها بس مالبستها وفوقها الصندوق نفسه كانت عليه اساميهم بس غيرها لما تملكنا وحط اسمي بدالها متخيلة بهالنقطة احنا متشابهين اما الاثاث دخلت على شقة لحجية كل قطعة من عالم ثاني تجميع بالاحرى وحتى الحمام قدددديم وهو شقة فوق بيت اهله وكانت حتى بدون زينة فقط كنب وسجاد وطاولة تلفزيون بصريح العبارة والوان الجدران عذااب ثاني كانها روضة اطفال وبالمقابل سلفتي الحين داخلة على شقة تصميم خاص وجديدة وماثثثة بكل شي حتى الشمعة فيها وفوقها اهله وقحين معاي بشكل ويرمون الكلام بس بالمقابل انا اسوي نفسي ما اسمع ما ابي ينكدون علي واسكت عشان المركب يمشي وفوقها توني برمضان عرفت انه ياخذ ادوية نفسيه من قبل زواجنا ومخبي متخيلة قد ايشش انا مغفلة كنت ومازلت واكذب عليك للان فيني خوف من مستقبلنا اخاف في مصايب متخبية والله ياختي مدري ايش اقولك لكن لا تشغلين نفسك فيهم اذا زوجك يستاهل تغافلي انا زوجي كل شي يقوله ويرسله لاهله يصور بيت ويرسل بس بالمقابل اقول البيت مثل ماهو بيته فهو بيتي وانا برضوه ارسل لاهلي ويصور طفلي واقول عادي اهله وعمامه وعزوته حتى لو هم مو متقبلينه بكره غصب عنهم بيقدرونه ويحبونه هذا ولدهم واهالي الزوج ٩٠٪ غثاء وثقال طينة ولسانهم متبري منهم وفضولين وكل شي سلبي فيهم لكن من هم عشان اخرب بيتي عشانهم انتي لا تروحين لهم سوي زي سلفتك ونامي على الجنب اللي يريحك وترى والله مانسلم من اهله من تزوجته للان دقات ومكايد حريم لدرجة عرس ولدهم ماعزموني عليه ويكذبون انه خاص وهم فاضحين أنفسهم بالواتساب عرس شكبره وكوشة وعشاء وضيافة لكن معليه الزمن قدام انا بقوى وبملي المجلس بذريتي وهم بيضعفون وماعاد لهم دور بحياة زوجي لما ينشغل فينا واقول خوات زوجي متعذبات من خوات ازواجهم وام زوجي برضوه وكلهم يكررون السيناريو هههههههههه 😂

شوفي اختي انا ما قرأة قصتك كامله لانها طويله بس بأختصار رح اقولك اذا كان زوجك منيح معك لا تهتمي للامور التافهه