ابي انحف

جربي بديل الطعام مع رياضه

سوي نظام يناسب طريقة حياتك ورغبتك
لا تسوين شي مايناسبك لان راح تخربينها وماتستمرين .
اذا حابين تفتحون تجمع ارسلو لي لاني ما اشوف تجمعات .

جربي الصيام المتقطع

والله اجرب بس يوم الثاني ما اقدر امسك نفسي ياخي تعبت نفسيا ما اعرف وش اسوي 😖😭

لا تجوعين نفسك
تعشي زي الناس عشان مايجي اخر الليل وتخربينها
اكثر شي يخليك تجوعين هو قلة البروتين في وجباتك + قلة الالياف
يعني ببساطه زودي البروتين شوي في وجبتك سواء دجاج او لحم او سمك او تونه او جمبري او بيض او حتى بقوليات + حطي جنبه طبق سلطه خضراء وممكن شوي خضار
واهم نقطه قللي كمية النشويات في وجباتك يعني اذا كنتي تاكلين 10 ملاعق رز او مكرونه قلليها الى 7 ملاعق او اذا تاكلين صحن كامل قلليه لنص صحن وكذلك الخبز والصامولي والتوست والشابوره قللي الكميه للنص واكيد لازم تشبعين نفسك بالسلطات الورقيه او على الاقل تاكلين خيار وطماطم خاصة مع فطورك تعوضين به نقص الخبز
وحاولي تمارسين اي نشاط رياضي مع التركيز على التنفس العميق اثناء الرياضه
وارشح لك تمارين الزومبا انا مجربتها ممتازه وكذلك الخمسه ميل
كنت استغل الوقت اقوم اجمع الملابس واروح لغرفة الغسيل بالحوش واضبطها على غسيل وشطف وتنشيف واكمل مشي سريع واحاول اسوي حركة الهروله على الدرج واروح لغرفتي وما اوقف الا بعد 5 دقايق واكون مجهزه لي مقطع او مقطعين زومبا اشغلهم واطبق معاهم على قدر استطاعتي كل مقطع ما يتجاوز 3 أو 4 دقايق يعني قصير اعيده مرتين ثم اذا خلصت امشي دقيقتين ثلاثه اهدي مع التركيز على التنفس ثم اطلع انزل للغساله بمشي سريع وهروله على الدرج ونفس الشي امشي بالحوش لفتين ثلاثه وخلاص يكون مر ربع ساعه او عشرين دقيقه واكثر اكتفي بها لان الزومبا تحرق اكثر من المشي العادي
واذا لك بالرقص الشرقي في وحده باليوتيوب اسمها ساره تسوي كارديو وتمارين بالرقص الشرقي لحرق الدهون جربي طبقي معاها على قدر استطاعتك مو شرط تكملين الفيديو كامل اذا طويل يعني تدرجي اليوم الاول 5 دقايق واللي بعده زوديها الى ان توصلين لعشرين دقيقه واكثر
ومو شرط كل يوم رياضه ترهقين نفسك وتطفشين يكفي 3 مرات بالاسبوع
ولا تستعجلين النتايج اعطي نفسك فرصه شهر او حتى ثلاثه شهور وبتلاحظين الفرق في ملابسك تصير واسعه