أخيرا بأشكي عليكم00000

أخواتي الغاليات 00تأكدوا انكم رياحين في بستان عقلي وفكري أعود إليها كلما شعرت بالياس 00بارك الله فيكم 00وتسلمون على ردودكم وآراءكم فأنا مؤمنة أن عقول تفكر وتحلل وتستنتج افضل بكثير من عقل واحد لايرى الا بمنطقه وقدراته000ودمتم0

رد مميز
المشرفه
تصدقين اني تألمت ؟؟

بس مو عشانك .. تألمت على زوجك ..... ايه والله

ارجوووووك ياغالية لاتزعلين من كلامي .....انا بحكم باللي قريته من كلامك ... والا العلم عند الله


اول شي حبيبتي بقولك ... حطي نفسك مكان زوجك

تخيلي ان قدراتك العقلية محدودة ... وتحاولين تثبتين جدارتك ووجودك بكل الطرق وتفشلين .. وتخيلي ان زوجك اعلى منك ثقافه وذكاء واطلاع .. وجالس يتصيد عليك ويدور الزلة وكل شوي يرميك في بيت اهلك يبيك تطلبين الطلاق ؟؟؟؟؟

بالله عليك وش بيكون رايك؟؟ وشلون بتكون نفسيتك؟؟؟؟؟ وكيف بتكون مشاعرك تجاه هالزوج اللي تعلم له كلمتين وتكبر عليك وعلى ضعفك وجلس يهينك ويجرحك في كل كلمه ونظرة وموقف

آآآآه وربي متألمه

لاتزعلين ارجوووووك انا مالي الا الظاهر

بس بجد مثل ماانتي كنتي ضحية عادات وتقاليد هو نفس الشي ..!! لاتعتقدين كونه رجل ان بيده القرار دام الدعوة فيها قبايل وعادات محد له خيار في الغالب وخاصه ان زواجك قبل 19 سنه

ومع هذا ..... عاملك بالحسنى ((على قد ثقافته وعقليته)) ولا حاسبك على روحاتك وجياتك وماقصر عليك حسب امكانياته

لكن انتي ؟؟ يامثقفه يا متعلمه ياذكية يامطلعه.......... وين تعامل الانسانه المثقفه والراقيه؟؟؟؟؟؟؟

وين أثر هالذكاء والاطلاع على حياتك ؟؟؟؟؟؟؟؟؟؟؟؟

وينه؟؟؟؟؟؟؟؟؟

بدال ماتحتوين زوجك ....وتعوضين ضعفه ... وتعززين ثقته بنفسه وتقودين مركب حياتكم بثقافتك وذكائك,,,,, تكبرتي على ضعفه وبكل بساطة افتعلتي المشاكل عشان تنفصلين عنه !!!!

وين الذكاء في هالتصرف بالله؟؟؟؟؟؟؟

وين الوفا؟؟؟؟؟ وين رد الجميل ؟؟؟؟؟؟ وين المحبه بل وين الرحمه؟؟؟؟؟؟

و فوق هذا ..... بدال ماتعلمين عيالك الصح وتربينهم على احترام ابوهم وعلى تقديره ...... بتصرفاتك تعلموا كيف يحتقرونه ويستقوون على ضعفه .....!!

انا مالووووومك لما حاولتي تتاجرين وتتدبرين نفسك ماديا واهنــــــــيك على هالشي

لكنك غفلتي عن اشياء كثييييييره اهم واعظم

وتقولين انه يكابر ويتمسك برايه ............ شي طبيعي ...اي انسان مجرووووح بيكابر
اذا انتي جالسه تحسسينه انه مايفهم وانه دايم غلطان ومايعرف يوزن الامور اكيد بيكااااابر وماراح يعترف.......المفروض انك تعرفين تتعاملين مع هالموقف وبكل سهوله.... لانك اذكى منه واكبر عقل ..

وتقولين مستعد يلطع المرة سنه ومايتنازل ............ وتخيلي ...مع هذا تنازل وجا يراضيك بعد 3 شهور لالالالالالا وانتي الغلطانه بعد!!!!

احمدي رررررربك اللي الله عطاك زوج على الاقل فيه طيبه ووفا ومحافظ على العشرة .....واغلب اغلاطه من غير قصد وانتي عارفه سببها ((قدراته العقليه وطريقه تفكيره))

يعني ماينوي لكم الشر او الضرر المتعمد


مدري وش اقول وش اخلي ......


لكن بختصر عليك وبقولك

احتووووي زوجك ....... عوضيه وحني عليه ...... عززي ثقته بنفسه ..... وساندية وعسااااااااك تردين لوو جزء بسيط من طيبه معك طول هالسنين

وقل الدبره والفشل هذا ابتلاء من الله مو بيده ....ولولا حبه لكم وخوفه عليكم ماراح يدخل في مشاريع ويغامر


وربي عيالك على احترام ابوووهم وتقديره وطاعته مهما كاااااااان

بكره لو طاح وكبر ..... بيهملونه ويتركونه وبتكونين انتي السبب .... لانك ماعلمتيهم على حبه وبره من الصغر

وتعاملي بذكاء في حياتك وعلاقتك بزوجك وعيالك ....... وسخري ثقافتك واطلاعك لحياتك الزوجية والاسرية.....املكي قلبه بحبك واهتمامك وحنانك واذا ماجا وعطاك راتبه كامل في يدك تعالي حاسبيني على كلامي


الله يصلح الحال .......

اسفه اختي ارجووووووك سامحيني .....لكن من جد تأثرت جداجدا ((بقصة زوجك ......))

سلمت اناملك اختى وانا معك :) ورجااااااااااااء صاحبة الموضوع لاتزعلي بس هي الحقيقه

أخواتي الفاضلات0(غدا أجمل) و(آشورية)000أشكركم على آرائكم00ولكن كنتوا متحاملين علي كثير كثير عارفين ليه ؟لأنكم نسيتوا أني ضحيت ب19 سنة من عمري من أجل هذا الأنسان اللي انا أخذته وهو خلقة من وسط مايشوف المرأة الا اصغر منه بكثير فإذا به ينصدم لأن يجد نساء يفكرون ومثقفات ووالله أنه لا يعرف بديهيات يعرفها حتى الأطفال 00أفلا أكون صبرت وضحيت؟ 00أولاده وهم أولاده لايسأل عنهم ولا يهتم لصحتهم ولا منظرهم الا إذا أنا ذكرته 0000يا أخواتي لا تعتقدون أني طول هالسنين كنت العب 00والله على ما أقول شهيد كل الوسائل اللي تجذب الرجال لزوجاتهم سويتها وما كنت اسويها وانا أعاني بالعكس فهي من طبعي والكل يشهد ومبهور من نظافة بيتي ومن شطارتي في الطبخ وفوق هذا من اهتمامي بنفسي لدرجة أن لاأحد يصدق أن ابني في الجامعة 000ماشاف صبري على وضعه وماشاف بعدي عن اهلي ومو هذا بس تراه قاسي لدرجة أنك تمرضين وهو يزعل يفكر أنك تتصنعين!!!!ترى والله لو مردها للوضع المادي فاكذب عليكم أذا قلت أنه صميم المشكلة لأن وراي أهل والحمدلله مستحيل يخلون الدنيا تضيق فيني وأكبر دليل أن والدي مسكننا في بيت ملكه من يوم تزوجنا والأخ للحين ما استغنا ولا استحا!!!شخص معاشه مرتفع ومع ذلك يتجاهل الأساسيات ويقوم يجازف في المشاريع بدون تحفظ علشان يحقق أمور في داخله لايعلمها الا الله فإذابه يهوي إلى اسفل السافلين ونحن معه 00نسيتوا أخواتي وحدتي طول هذه السنين وجهادي بكل الطرق فلست غبية حتى اغفل الطرق الطبيعية لأكسب قلب زوجي وهو بين أهله وأصدقائه الذين يشبهونه بعقليته وينسونه عن بيته ودائما ما ابنيه اليوم يهدمونه بافكارهم غدا- أشعر أن كل شيء ضدي وأولادي هم أكبر كنز يستحق أن اضحي من أجله ويعلم الله مدى تواضعي وكيف كسبت حب الكثير من الناس الا اني عجزت أن أحتوي أنسان غريب الأطوار لاتتألمو من أجله لهذه الدرجة فإن بكا مرة فقد بكيت الف مرة وإن أراد ماينسيه لوجده فهو دائما بين أصحابه وأهله يرمي بهمه خلف ظهره وفوق كاهلنا 0000ويعود مساء ولا كإنه سوا شي ولا كأنه فيه رعية تحت يده 00ينسى بسرعة ونظرته دائما قريبة 0ويتظاهر دائما بالاتزان وهو مع الأسف ياما سمعت سوالفه هو وأصحابه بايخة تدل على عقول الله يحفظنا من زلاتها00ودمتم

أختي ماجدولينا الموضوع موكذا عم اولادي هذا شاب محترم وطيب ويعلم ان حساب ابني فيه فلوس لوالده أحيانا وكثيرا ماحول للولد فلوس من والده وهو حسن النية ولاشك ان زوجي المحترم اوهم اخوه بطريقة او بأخرى أن الفلوس له ويريد ان يحولها لحسابه كما أن أخوه لايتصور أن يفعل ذلك بي كما أن شكلنا أمام الجميع على كثر مانواجه من المشاكل ولاكأن بيننا شي ولانشرك أحد في امورنا وأن تصرفت بالشكل اللي اقترحتيه راح أخسر أهل زوجي وعم أولادي وهو ليس له ذنب الذنب ذنب زوجي وبس وصدقيني الفلوس جايبها جايبها غصبا عنه لأنه خايف على شكله قدام أهلي وأهله ولكن هذا رب العالمين خلاه يخسر الفلوس بلمح البصر ونكشفه00ولاحول ولاقوة الا بالله