التجمع 2️⃣0️⃣ 🌺🤰🏻نوفمبر 11 & ديسمبر 12🤰🏻🌺 💙💗2021💗💙

مرحبا بنات كيفكم اليوم ؟
الف سلامه عليك يارحمه انتبهي لنفسك و ارتاحي ويارب تتمين الثامن كله ونص التاسع ان شاءلله 🤍 احس اسبوع ٣٧ مناسب جدا ل الولاده ..


سويت تحليل السكر اليوم و طلعت النتيجه بعد ساعه من المحلول 9.15 وش رايكم بالنتيجه ؟ هل طبيعيه ..

الحمد لله طيبه والحمد لله ننتظر الايام تمشي عشان نبدا التباشير يارب

السلام عليكم حوامل ... اخباركم يا حلوين ... من زمااااااان الزمان عنكم للاسف عندي مشكله بالموقع كل ما ادخل يكتب لي اعادة المحاوله ومايخليني اشارك . كنت ادخل ع الموقع واشيك عليكم داااايماا واشوف اخباركم .... طبعا انتو من زمان حاذفيني من القايمه 😩 معذورين عشان قله مشاركاتي...
عموما انا الحين بالاسبوع 26يعني اخر السادس ان شاء الله ...سويت من كم سوم فحص السكر التراكمي وطلع 5,9 والدكتوره عطتني كلمتين بالعظم خلتني حابسه الدمعه ... وقالت ماي الجنين زايد وايد ولازم انتبه عشان ما يولدوني مبكر وخطر ع الجنين زياده السكر والماء ... وطبعا كل مره اروح افحص يطلع عندي زيادة طفيفه بالضغط ... اما الكامه الكبرى وزني 🥺🥺🥺🥺 تخيلو يا بنات اول حمل لي اكون بالسادس وللحين زايده 15 كيلو ... كيف بيكون شكل للتاسع 🤭 ...
بخصوص التجهيزات الحمد لله جهزت كل شي تقريبا من المواقع الملابس واغراض البيبي والرضاعات واللهايات ومكينه التعقيم والسرير والمهاد والعربه ووووو كل شي تقر يبا ...
الباقي كرسي سياره ولازال البحث مستمرا .. وكاميرا مراقبه البيبي بالفراش ... واروح العطار اخذ لي سوالف النفاس بس بنتظر قريب التاسع عشان تكون فرش احسن ...
طبعا انا مافيني صبر من ادخل التاسع ماتحمل يوم زياده ابدي امشي واشرب شواهي دافيه واخذ اناناس وسوالف الولاده عشان اخلص وما اخذ بالتاسع الا اسبوع او عشر ايام بالكثير ...
وها المره اتمنى اولد اول التاسع عشان بتكون فترهالعيد الوطني عندنا بالامارات وحابه استغل الاجازه بالولاده ومااحاتي مدارس عيالي لانهم يداومون حضوري

لدعواي حبيباتي اني اولد بالسلامه وينزل السكر ويوقف الزياده الكبيره بالوزن لانه خلاص وضلت حد للانفجار ..

بخصوص تجهيزاتي لنفسي خذت مشدات الولاده وسنتيانات الرضاعه وكم شورت وكم بجامه وتكرمون نعال المستشفى ووكريم الرضاعه واهم شي الاولويز اللي يجي نفس البانتي ..هذا اعظم اختراع للنفاس يريح من كل شوي تبديل وممكن يتوسخ البانتي العادي ... وخذت بعد مناديل تنحط على البانتي تبرد وتساعد على التئام الجرح والخياطه هذا من تجربه مرييييح ويعطي احساس يبرد ويخفف الورم والالم والرطوبه ممتاز يا بنات

اش شركة الفوط الي زي البانتي والمناديل الباردة ؟
والمشدات فيه نوع معين تنصحون فيه ولا عادي اي شيء