ودي يروح او اطرده من البيت

ولد عمتي عمره بال ٣٠ جا زيارة (من بلد ثاني) عندنا
و ابوي حلف عليه يقعد عندنا و متكفل بكل مصاريفه هنا لانه يبي يبيض وجهه قدام جماعته و أهله و لانه ولد اخته المتوفية
و انا و امي ما نبغى هالولد عندنا اولا ساكنين بشقة مرة صغيرة كل الغرف تفتح فبعض و هو جالس مع اخوي بغرفة
ثانيا سمعته مو حلوة تحرش ببنت جيرانه و مسوي مشكلة حق اخوي من قبل
و الشي الغريب ان اخوي هذا مخاويه مرة و اتضح لنا بالاخر انه هو اللي جايبه زيارة و الحين يبي يجدد له الزيارة و هذي مصيبة برايي لاني ما عاد اتحمل الوضع
و يوم جا هنا صار يروح لأخوي بشغله لين بالاخر طردو اخوي من الشغل و مع هذا ما زعل منه مادري وش مسويله مرة متعلق فيه
و الحين ما ندري وش السواة؟
ابوي ما يقدر يواجهه انه ما نبيك و الولد ما يبي يرجع واضح يدور شغل بمكان شغل ابوي
و حنا الوضع مرة مو عاجبنا عطوني افكار يا بنات
صدق كيف نطرده و الله السالفة مو ضيافة او واجب نوجبه عادي لكن سمعته ابد ما تشجع و خلاص مرة تغثني سيرته