السلام عليكم ورحمه الله وبركاته
كيف حال الجميع
أود أن أشارك قصتي معكم لعلي أجد لديكم الحل بعد الله
انا جديده بالمنتدى واتمنى من الجميع تقبلي
اخواتي انا مشكلتي مع أهل زوجي انا متزوجه ولدي طفل عمره ٥ سنوات الله يحفظه لي يارب
اخواتي اهل زوجي تعبوني يعايروني دائما ويرمون علي كلام بكل اجتماع مثل(اخوي خاطره في عيال ويتشفق ع البزر بس واحد عنده )
او إذ الوحده منهم ولدت او زوجه اخوهم الثاني ولدت تحس من نظراتهم كأنهم يقولون شوفي مو انتي او اذا زوجي راح لهن امه وأخواته يحسسونه بالاشياء هذي
اهو احيان يجي معصب ليش ماتعالجين وليش وليش واحيانا يقول انا ماابي عيال كفايه عندي ولد
انا تعبت منهم متدخلين بحياتي بشكل كرهني في عيشتي
انا اروح واعالج والله ماخليت مستشفى او معالجه شعبيه مارحت لها بس كله يقولون لي سليمه انا مو ذنبي التأخير الحمل كل شي من الله بس الشكوى لله
انا اقطع نفسي بالشهور ماازور اهله بس لمن يشوفني اطول عنهم يجبرني اروح لهم واجي منغثه منهم
بالله وش الحل؟؟
شاركي في النقاش
سجلي الدخول لإضافة تعليق.
التعليقات
19- وعليكم السلام ورحمة الله وبركاتة بيني لهم ان عادي ماتبين تحملين اللحين وقولي انا وزوجي مانبي اللحين لين يكبر شوي ولدنا والله يرزقك يارب الذرية الصالحة 🌹♥️
- قبل الفجر بريع ساعه قومي اوتري واستغفري خليها استغفار ودعاء
كل هالربع ساعه قبل اذان الفجر وان شاء الله يتحقق لك اللي تبين
باذن الله تقول وحده والله العظيم سويتها ورزقني الله بقصر ماكنت
احلم به
واذا رحتي لهم زياره سمي قبل تدخلين عليهم وادعي الله يكفيك الكلام
اللي يضيق صدرك ولاتخافين توكلي على الله واستعيني به ولاتشدين
اعصابك ارتاحي
وانتبهي لنفسك اذا طهرتي دايما راقبي نفسك شوفي اليوم اللي تحسين
فيه برغبه حاولي يتم شي ولا تقومين بسرعه
الله يرزقك الذريه الصالحه . - طالما الاطباء قالو ما فيك شي لازم زوجك يروح يفحص
لان يمكن المشكله فيه - رفع
- و عليكم السلام ورحمة الله وبركاته
هذولي الي يخرشون خرابات البيوت
تناقشي مع زوجك
قولي الأبناء مو بالكم بالكيف
يعني واحد عنده ولد ولا بنت لكن بار
وفي ناس عندهم عشرين ولد وبنت مافيهم احد بار
الواحد لازم يرضى بالمكتوب له من رب العالمين وهو الخيرة
القناعة كنز ولامانع من البحث عن المزيد من الذرية
بدون تدخل لان التدخل غلط في الأمور الخاصة
مواضيع مشابهة
تابعي تجارب أخرى من هذا القسم.