ماعاد ينفع الحكي !!

مرحبا
حظي من الرجال اسود
اول واحد شيطان بهيئة انسان
ثاني واحد ظاهريا ملاك مثقف رجل اعمال ناجح قدوة
بس للأسف
صار بدو يتزوج بحكم انو مرتو مابتخلف وعندها مشاكل ماخلفت غير ولد واحد
بعد موافقتها قبلت وتزوجتو كان عمري٢٨ سنة وهو اكبر مني ب ١١ سنة
من اول شهر زواج اكتشفت انو هذا الانسان مابيعمل اي قيمة للحياة الزوجية ولا بيهمو شي الحياة الزوجية بمفهومو هي هديك الشغلة وبس
جبت اول بنت وبعدها ولد ماتغير فيو شي الموضوع عادي واقل من عادي
راح صدمني وتزوج علي وحدة صغيرة طالبة جامعة
الموضوع هذا شائك وطويل ومعقد بس انتهت بالطلاق وضل الموضوع سري للغاية
شو بدي احكي زوجي عمرو ٤٥ تزوج وحدة عمرها ٢١ سنة بالله هذا كلام بينحكى
صراحة صرت اقرف منو بس اجامل حالي وهو يطلب مني النسيان حاسس بغلطو
صار يهجرني ويتردد عند الاولى رغم انها منفصلة عاطفيا عنو اشبه بالمتطلقين
قرر يطلع برا البلد صار بدو ياخذها رفضتو اجا اخذني ورجعنا على مكان أقامتو الاصلي دبي
حملت منو هلق بالبطن الثالث وحياتنا كانت مستقرة بس مابأمن الو ابدا
قبل فترة تردد بالسؤال عن بنت خالي صغيرة عمرها ٢٦ سنة لهلق ماتزوجت
بررت السؤال بنفسي انو بيكون سؤال عابر
نحنا عيلة امي ماعندها اي ترابط اسري والمصالح فوق كل شي والكراهية موجودة
كيف شلون مابعرف راح يخطب البنت من ابوها
بحكم وجود خالي ايضا بالامارات زيارة عمل
هذاك طبعا بهدلو واهانو وقلعو ولما رجع عالبلد فضحنا
قالو شو فلان جاي يخطب بنتي
نزل الموضوع مثل الصاعقة علي
ما عندي مشكلة يتزوج الله لايردو انا عوضى على الله
بس مالقيت غير بنت خالك لي اصغر منك ب ١٨ سنة عالاقل
الله يسود وجهو ياجماعة والله ماعاد عندي جرأة احط وجهي بوجه مخلوق حتى حساب الفيس بوك حذفتو
بنات خالي بنات خالاتي كثاررر ومشاكل كثيرة بتصير بسببهم وبعضهم عندهم الشماتة والفتن مثل شربة المي اخدوني سيرة الموسم بكل سهرة ينزلو فيني بسببو
وهو ولا ابالي ولا كأنو عامل شي بالعكس حطها فيني قدام امو وامي انا السبب طلعت
صار يخربط بالكلام يقلي انتي وحدة متشددة ما بتقومي بواجباتك اتجاهي
مع اني منسقة حياتو كلها
بيتو أنظف بيت وبياكل احسن اكل وبلبس الو احسن لبس بس مابيبين بعيونو ابدا
زبدة الكلام اني انفضحت بسببو حتى زيارتي للبلد لغيتها مارح اقدر انزل ابدا من ورا عملتو هي ومن شماتة الاقارب فيني
حتمت اطلب الطلاق صار يجن ويترجى ويرفض ويهدد اهم شي مايطلق
عايشة بدوامة من اسبوع كامل ولهلق من وقت ماخالي طرش السيرة الله يهديه
نصايحكم يا اخوات شو هي الطريقة شو هو العمل لي بدي اسويه قدام الاقارب لي صارو ياكلو وجهنا بسببو وهو ماعندو اي مشكلة